السلام عليكم ورحمة الله وبركاته
اسعد الله جميع اوقاتكم بكل خير
هذي من القديم ولكن للتواصل ارجو ان تنال الرضا
واعتذر عن غيابي في ما سبق
.
.
.
تـغـازلــك أمـنـيـاتـي ... وأنــــت يــــا آخـــــر حــلـــم .. مـسـتـنّــي .. =لكن .. ارحــل عـــن اللي ما يبيك .. وحِـــل عـــن كـونــه
ســــرت .. وسـمـيــة الهقوه .. ولا أبغى أعــيــش مـتـمـنّـي=مدام إن الـقـنــاعــه دايـــــــم أبـــقــــى وابـــــــرك الــمــونـــه
على كومة تجارب متكي في عزلتي كني ..=سنا .. والساري أعمى قلت الأعمى عذره عيونه
من اجلي تنشغل يا فكر ولاّ تنشغل عني=ترى مالي عن الواقع .. لو الأفكار مجنونه
من أول .. كنت أصون الشعـر .. احَسْبـه كـان صاينّـي ..!=لكـنّ الحين ابا أسرف فـيـه .. مـــن ألـفــه .. لملـيـونـه
أصونـه .. ليـش ..؟ يـا عالـم .. وهـو مـن وقـت .. خايـنّـي=تذاكر رحلتـي .. ! عنـده .. علـى ( تكفـون ) .. مرهونـه !
عسـا شُـهـب الغـصـون .. الـلـي مــن أول خـضـر .. يفـدنّـي=مـحـيـطـي .. مـــــا تكرم في ثـــــرى .. لـلــجــذع وغـصــونــه
وأنا في عالم يعاون علي .. وما يعاونّي=وقية واقع ابرك من طنون أوهام مقرونه
إذا يــــا وقــــت .. مــــا حـقـقــت حــلــم أيــامــي .. ادفــنّـــي .. =ولا تجدد طعوني .. والنتيجه شــبـــه مـضـمـونــه
بياضي تدّرج حوله خناجر سود .. لكني=عرفت إن المآمن كلها ما هي بمامونه
مـــن ذنـــوب الـجــروح .. الـلــي عـلــى التهـمـيـش .. لامــنّــي=تــــبــــرءا كـــــــــل شـــــــــي ولا بدا صـــــــــدري بـمــكــنــونــه
تخطريت .. الـــزمـــان الـــلــــي لـيــالــيــه .. أخــلــفـــت ظـــنّــــي=وحـيّـرت أكـثـر الـنـاس بمدى حلمي .. ومضـمـونـه
وانا أقرى .. في ورق ذكراي .. قصـة حزنـي .. اغنـي ..!=وهُـم يـوم .. اسألوني .. كيـف ..؟ قلت الـلـي تشوفـونـه ..
أنـا مــا ابـكـي عـلـى مــا راح لــي فالـوقـت .. رغــم إنّــي..=فـقــدت برحـلـتـي ( حـلــم الوجود) .. وعــشــت مــــن دونــــه
خـسـرت .. ومــا ربـحـت .. إلا الشـمـوخ الـلـي بـقــا .. مـنّــي=ربـحْــت .. ومــــا خَــســرت .. إلاّ الـفـتــات .. الــلــي يـلـمـونـه
عــــــن دروب الـــهـــوى جــنّــبــت .. مـتــضــايــق ومـتــهــنّــي =تـمــوت الـنـفـس مـحـرومــه .. ولا تـنـســاق مـفـتـونـه
وإذا كــان الـحــلاء .. دايـــم .. هـــو أكـثــر شـــي يفـتـنّـي ..؟=أبــــا ارفــــع نــظــرة الـجـيـعـان .. عـــــن تـصـبـيــره .. الـخــونــه
ولو خـــــش الـخــطــر حـــــد الـنــظــر .. عــانـــي ومـتـجــنّــي=أقــــــول لـخـافــقــي احــــــذر ..! .. أمـــامـــك بـــنـــت مــزيــونـــه
.
.
تحياتي
