ريقك عسل .. علمني شلون بتصوم ؟؟،،

وش قومك ؟ وش فيك ؟ وإلا عـلامك؟
قد لك معي كم يوم و أعلومك أعلوم



وأنا أدري أنــي يــآ مرآمي مرآمـك
لـو تقعـد الدنيـــآ و لآ تقـدر تقــوم


عطيتني قلب !! .. و بخلت بسلآمك ..!
"وش فآيدة حبك و أنــآ منــك محروم ؟"


لآ عـاد تـزعل و أحـيـيني ببتسآمك
ضحكك يزيل أوجاع و جروح و هموم


و كــلآم عينــك مآ يهمش كلآمــك
كلآم عينك كوم و حكاك لي كــــوم


لآغبت عن عيني رح انشد غرآمــك
تـلقاك في قلبي مـقـلط و محشـوم

بعدين يآ أغلى الناس وفــر ملآمـك
ترى الغــلآ يجفل على كثرة اللـــوم


دونك خفوقي ممتلي من سـهـامك
و لآ شكيتك جرحه و قلـة النــوم


القلب مـثل الطير .. وفر حمامــك
إن افلس اقفى لسماء يقلب الحوم


لكن قـبـل لآ انـسـى بنبهك دآمـك
مسلم و باقي كم شهر و يدخل الصوم


لآ يذبح الموضـوع قـل اهتمامــك
طعني وشف لك شيخ يفتي لك اليوم


مآ ظـنـتـي يآ زين يقبل صيآمـك
ريقك عسل .. علمني و شلون بتصوم ؟




المبدع : محمد بن فطيس
:|for you|: :|for you|:

يعطيك العافيه على هالنقل ........

رائق يارائق

امتعتنا وفقك الله .

اقتباس:

---

المشاركة الأصلية كتبت بواسطة مشعل بن مشحن السرحاني

يعطيك العافيه على هالنقل ........

---

الله يعافيك يا مشعل ،،

اقتباس:

---

المشاركة الأصلية كتبت بواسطة نواف عواد النجيدي

رائق يارائق

---

لاهنت يا ابو اسامه ،،

اقتباس:

---

المشاركة الأصلية كتبت بواسطة محمود عيد غبن البلوي

امتعتنا وفقك الله .

---

شكراً لك يا محمود ،،
وفق الله الجميع ..