منْ يَسميْ هذآ صَبح وأشيآءه . . / حزينه ؟!
ياحزينه !
دوريني في زوايا الياس... في ياس المدينة !
دوريني في ملامح وجهك الدافي وقولي .. :
قولي : وينه !؟
شاعر ٍ ماحبّته بنت وبكى !
شاعر ٍ مانسّته بنت وشكى !
شاعر ٍ يركض ورى الأحلام والأحلام تهرب من يدينه !
دوري عنّه دخيلك فـ المرايا ..
في وجيه أحلى الصبايا !
في النوايا !
في الزوايا !
في الهدايا !
فالزهور اللي تحبّك .. فلها مع ياسمينه !
دوري عنّه دخيلك في صباحك !
في دموعك .. وانشراحك ..!
وسط حزنك !
وارتياحك ..
وسط دفتر مل من نزفه ومن دمعات عينه !
دوريه ..!
فـ الوجيه اللي تنادي فالغيابات الوجيه !
فـ الحنين اللي أبيه وفالأنين اللي يبيه !
ولابكى حزنه عليه !
ولابكيتي تذكرينه
... دوريه !
في عيون أطفال مرّوا ... وابتسامه !
وسط صمته ..
لاجفا صوته كلامه ..!
وسط دفترك الحزين ..
يوم كنتي تكتبينه .. يوم صرتي تشطبينه !
دوريه ..
لاغفى سمعك على صوته ونام !
فـ السكوت
وفـ الكلام !
فـ الحمام اللي بصدره يوم طيّر لك حمام !
في ملامح صبح بارد
كان بيدك تشعلينه !
أسألي عنه .. يدّينك !
واسألي بينك وبينك !
كيف مرّ فـ يوم عينك لين مات احساس عينك !
وانتي عينه !!
ياحزينه .. !؟
و... آتنفّس رغم هذا الضيق في صدر المدينة ..!
..................... وآتبسّم حتى لو مابه ..... عصافير وأغاني !
وانتي أنتي .. مثل ماأنتي ..ولكنّك حزينة !
..................... تربكين الدمع ويل الدمع من ضيق المحاني !
صح أنا مااخترت اكون إنسان يمكن تعشقينه !
..................... بس انا ماخترت أكون إلا معاك انسان ثاني !
كنت اقول البحر ماينشد عن هموم السفينه !
..................... صرت أقول اللحين دلوني على وجه المواني !
آه .. واللي خالق ٍ بي صوت يصعب تسمعينه !
..................... ماقطفتك ( لحظة ٍ حلوة ) من أغصان الثواني !
أشبه احساسي ولاأشبه هذاك اللي ... تبينه !
..................... شاعر ٍ من ضعت عندك ضاع يوم إنه لقاني !
أشبه اللي مرّ في صدري وانا مدري حنينه
..................... مثل هذا الفرح ..... هذا الجرح لامنّه بكاني !
أنسكب لك شي مثل المي ! يمكن تشربينه !
..................... وارتوي بك شعر.. مثل الشعر لامنّه .. دعاني !
مثل هذا الحزن هذا الحزن لامرّ بـ سكينه !
..................... مثل هذا النور مثل شعور من يدّي .. خذاني !
مثل هذا اللي يدوّر في يدينك .. عن يدينه !
..................... مثل هذا اللي يمرّ اللحين كل اللي .. قراني !!
مثل هذا اللي يحث خطاه ماتلحق .. سنينه !
..................... مثل هذا اللي تشوفي كيف لو شفتيه جاني !؟
شاعرك لو ماتنفّس ضاق به صدر المدينة
..................... شاعرك لو ماتبسّم .... كان مارفّت أغاني !
أفتحي قلبك وشوفي وش ورى دمعات عينه
..................... يمكن تحسيّن باللي ماقوى ... ينطق لساني !
لايمر ّ الحزن مثل اللي يمرّ .. وفي يمينه !
..................... قلب ماتنبض سنينه مثل .. نبضات الأماني !
من يقول الصبح هذا صبح ! واشياءه حزينه !
..................... من يقول الناس مثل الناس ماحس ّ بحناني !
الحزن ماهو مثل ماشعر واحسّك .. تشعرينه !
..................... الحزن لاجيت ادور لك وانا اجهل مكاني !
للشآعر: بركآت الشمري !
رد: منْ يَسميْ هذآ صَبح وأشيآءه . . / حزينه ؟!
صح لسانك يالشمري
وصح اختيارك ..
رد: منْ يَسميْ هذآ صَبح وأشيآءه . . / حزينه ؟!
رووعة ,, صح لسان الشاعر
سلمتي على اختياركِ الذوووق
رد: منْ يَسميْ هذآ صَبح وأشيآءه . . / حزينه ؟!
يعطيكـ العـــــــاااافيه اختي خيــــاله ...وصــــح لســـــــااان الشــــــااااعـــــــر...
رد: منْ يَسميْ هذآ صَبح وأشيآءه . . / حزينه ؟!
اقتباس:
المشاركة الأصلية كتبت بواسطة سعود السحيمي
صح لسانك يالشمري
وصح اختيارك ..
اشكر مروووورك أخي سعود
رد: منْ يَسميْ هذآ صَبح وأشيآءه . . / حزينه ؟!
اقتباس:
المشاركة الأصلية كتبت بواسطة اميرة بكلمتي
رووعة ,, صح لسان الشاعر
سلمتي على اختياركِ الذوووق
اشكر مرووورك أميرتي
رد: منْ يَسميْ هذآ صَبح وأشيآءه . . / حزينه ؟!
اقتباس:
المشاركة الأصلية كتبت بواسطة ًأمــيــرة الــذوقـًً
يعطيكـ العـــــــاااافيه اختي خيــــاله ...وصــــح لســـــــااان الشــــــااااعـــــــر...
اشكر مروووورك أميرتنا
