اسعد الله صباحاتكم بكل خير
طرق أول مره أكتب عليه أرجوا انأكون قد وفقت فيه....
تسابيحك مع الفجري و تغريد العصافيري
يالون الصبح لامنه بنفحاته غشى صدري
بديتك قبل عصفور الغرام يرف ويطيري
بديتك ونتهيتك والله اعلم صادقٍ عذري
وكاد انا رحلنا كلنا من دون تبريري
وتركتي حلمنا بدري توفى والزمن بدري
رحلتي دون عوده وطفل حبي توه اصغيري
قتلني قاسي افراقك حرقني واهج الهجري
انا كنت انظرك بعيون الاطفال التباشيري
وبعيون المسا كنت انظرك يالغاليه فجري
وكنت اشاهدك في دنيتي غيراً عن الغيري
احسك نبضي الّي دايمٍ في خافقي يسري
الا ياهاجره قبل الوداع يحين ويصيري
تعالي ناظري عيني وعيشي لحظةٍ كسري
تشوفين الحزن من ناظري ينزاح ويطيري
ويسكن خافقي ويعيش فرحة وينجبر عثري
عشقتك يابعدهم كلهم عشق وتقديري
عشقتك كثر ماتلهم بيوت من الهوا العذري
وعشقتك كثر حب البدو للنوق المغاتيري
عشقتك عشق ما مثله كتبتك قافية شعري
واذا مالك بوصلي والغرام بدون تأخيري
طريقك سهل ورحل وبدفن ذكرك ابصدري
