يا معدي المرقاب ..حـَول وخل أوسكار يرقا
سلامون عليكم ورحمة الله وبركاته
7
7
7
حلفت ما حدن يقوم
أيه يا حزم الظامي
كان جدي ( الله يرحمه ) له مرقاب يعديه ويرقاه... منها يتفضى ومنها يتابع حركة سير الحلال والرعيان
والى الحين على الرغم من مرور 18 سنة من رحيله كل ما مريت ( العصنصل )
عديت ورقيت مرقابه............
ويا معدي المرقاب حول وخلني أرقى
خلني أتذكر سنين مضت ........... كان الناس فيها بسيطين وكلهم طيبه
الناس أول بينهم ترابط وتكافل أجتماعي مهو صاحي >>>>>>>>> أنثبر أحسن
مو مثل الحين ما حدن داري عن الثاني ..... وين أول وزمان أول
7
7
طبعا كانت هذه هي المقدمه اللي هيجت الحنين للمشراف واليكم المويضيع
يوم اني صغير وانا ذابحتني الغيره من ولد عمتي خلف >>>>>>> ) لان عنده سيكل جديد صحراوي 24
وانا معي مثل حق الهنود( فيليبس ) وهو مدلع مرة اي شي يبيه يشتريه لانه هو وحيد القرن (اسف وحيد اهله ) وانا عندي 18 اخو هذا اللي اعرفه>>>>>>>>ما امداني أعدهم
يعني اذا عطى ابوي واحد منا ريال لازم يعطي الباقين يعنيي يخسر 18 ريال
خله من قاله ما يرقد بدري
ومره رحت عند خلف في بيتهم وكان عندهم تلفزيون نوع جديد ماعمري شفته . قعدت المح له قلت انهم بيجيبون سالي بعد شوي . قال شايفها في الفيديو >>>>>>>>>> قايلكم شايفن نفسه
والغريبه يوم عطس قال الحمد الله قلت له : يرحمك الله . قال : شكراً ؟؟؟
شوي يوم قال :- ما ودك ناكل شي ؟ >>>> عاد هو دب
قلت عادي وراح وجاب بيتزا وحطها في التلفزيون !!!! قلت : ليش تحطها . علشان تطلع في الاخبار ؟
قال : هذا مكرويف ؟؟؟ قلت : داري بس امزح معك ( ايه هين).أ كلنا البيتزا
وانا ما تعودت اكل شي ما أعرفه . اوجعني بطني ورحت للبيت قلت لامي : ودوني للمستوصف ؟
قالت : ألوش ؟
قلت : بفصل ثوب وش>>>>>>>>>>>> توقعين مريض بطني يوجعني ويمكن أموت .
قالت : واهمي يا وليدي ... يا شين لا تفول على نفسك
. المهم ودوني وكنت لابس ثوب وتحته سروال رياضه اخضر وفيه خطين بيض ( اللي يوزعونه وزارة المعارف اول) وفنيله حمراء كموم طوال وفيها خط ازرق ( تناسق الوان ) وصلنا المستشفى وكان وقت الشتاء وجا الدكتور بيكشف على صدري
وقال وخر الفنيله والى امي الله يهديها ملبستني 8 فنايل وانا مادريت
من بداية الشتا وهن علي واذا جيت افصخهن تحسبهن فنيلة وحده كلهن ناشبات في بعض عاد الاخيره ما انفسخت تكسرت لانها كانت يابسه !! كشف علي وقال : عنده تسمم
قال الدكتور لازم غسيل معده . سوا لي غسيل عاد يا طلع شي وشويات قواطي الببسي القديمه وبنانير ودميسات
كنا نلعب بهن زقطه
ومن بعد هالموقف لا سيرت عليهم ماأكل عندهم الا برتقال وبمناسبة الموقف قلت هالبيت
البرتقال اللي يباع بالكراتين ×××××× أحسن من البيتزا ولو طعمها زين
انا شقردي واعرف الزين والشين ×××× والبرتقال احسن من الموز والتين
يا الله انسلم عليكم أذن المغرب بروح أفطر
