[قصة وقصيدة]معاناة مدرس مخلص

هاذه القصيدة جبتها على لسان احد المدرسين المخلصين عندما سمعته اكثر من مره وهوا يشتكي من كثرة الحصص المتراكمه

عليه 0

اربع وعشرين حصة غدت غصة علية=قصرت عمري وانا ياعرب خلقه قصير
اربع وعشرين صعبة على ناس وفية =اربع وعشرين صعبة لمن عندة ضمير
لادخلت الفصل احرك لساني مع يدية=طول وقتي واقفا ياعرب كني خفير
واقف اشرح للعقول الذكية والغبية=من تعبي ان رحت طشيت نفسي عاسرير
اربع وعشرين حصة علي اكبراذية=ياعرب من ثقلها ما يتحملها بعير
شيبت غيري وانا شيبت راسي وايدية=اتوكأ وترامز وانا توي صغير
وينكم يا اهل الوفا وينكم يااهل الحمية=تنقذون مدرسا صار للحصة أسير
غيرنا ينعم بسطاش حصة ياهنية=من فراغة داخل الحوش يشرب لة عصير
كل ماجيت أشتكي ينصحو صبرك شوية =اه ليت اربع وعشرين يأخذها المدير

أبو صالح العرادي

صح لسانك والله لايهينك والحقيقه انك بردت قلب المدرس

دمت بخير

صح لسانك يابوصالح

الله يعين المدرس

اعطيت العافيه ابوصالح

وجهد بصراحه تشكر عليه وصح لسانك
دمت بخير

عبدالله

أبو صالح العرادي ..

قصيدهـ جزله أستمتعنا بقرائتها ..

لك القلب لتعطير صفحاتنا بها ..

سلمان العرادي

ابوصالح من العايدين وكل عام وانت بخير
قصيدة رائعه وعافاك الله
اما المعلم ماعليه الا احتساب الأجر
والصبر حتى يأتيه الفرج

السلام عليكم ورحمة الله وبركاته
شكراً لك اخي الكريم على هذا المشاركة