منظر صعيب ويقسم القلب قسمين ?

تدري وش اللي يجرح القلب جرحين
ويمد حـبل الحزن فيك ويشده

انك تناظر طفل من غير أبوين
يمشي ودمعة سايل فوق خــده

منظر صعيب ويقسم القلب قسمين
لا قـام يمسح دمعة بكف يــده

يمشي ولا يدري طريقه على ويــن
لــيــن الـتعـب مـن كثر ما تاه هــده

اثقل حروف يشيلها فيه حرفين
لا اب يـدري بـه ولا ام تــرده

في خطوته رحلة ودمعة وسكـين
وحـظ تـوسد بالمـراسي مـخـده

جيت اساله بالله قللي ولـد مـيــن؟؟؟
وبـغــى يـجـاوب.. واختـنق صوت رده

أنــا يـتـيم ومـا لــدربــي عـنـاويـــن
وجــزر الحـزن فيني يسـاوي لـمده

وطـعم الطفـولة ما عـرفته لها للحين
وثــوب الســعادة صــرت ما نيب قـده

ابـكي إلــى من شفت غيري سعيـديـن
لـيـن الـبكـــا فـيـني يـوصـل لـحـده

واقفى ورحت امسح دموعي من العين
وعـيـني تـناظر دمعـته فــوق خـــده

وهـذا اللي يـجرح الـقلب جـرحين
ويـمد حـبــل الـحـزن غصب ويشده

صًـح لسانك آبومآاهر
والله كلآم جميل ومعبر
عن احوال الايتام
مانقول غير الله ايوفقهم
ويستر عليهم انشاء الله
وآنهم ينسون الماضي
ووومشكور يابو ماهر
على هذا الموضوع المؤثر
:|for you|::|for you|::|for you|:

هلا اخوي مقرن
شكرا على المرور الرائع
وصح لسان الشاعر
وفعلا الله يلطف بحال هؤلاء المساكين
وفقك الله

صــــــــح لــــســـان الــــشــــاعــــر على هالأبيااااات ............

هههههه اشكرك على المرور اخوي مشعل

صح السانك ومشكووور

يعطيك العافيه والله ياجزاك خير على اختيارك لهذه الابيات

والله يرحم حالهم وحالنا

صح الله لسانك
على هالابيات المؤثرة جدا
قسمة القلب قسمين
الله يصلح حال الامة
ويكون في عونها
شكرا أخي..

بن صقير شروق الامل قحطان
شكرا على المرور جميعا
وفقكم الله

صح لسانك
يعطيك العافيه:|for you|:

اقتباس:

---

المشاركة الأصلية كتبت بواسطة محمود عيد غبن البلوي

تدري وش اللي يجرح القلب جرحين

ويمد حـبل الحزن فيك ويشده

انك تناظر طفل من غير أبوين
يمشي ودمعة سايل فوق خــده

منظر صعيب ويقسم القلب قسمين
لا قـام يمسح دمعة بكف يــده

يمشي ولا يدري طريقه على ويــن
لــيــن الـتعـب مـن كثر ما تاه هــده

اثقل حروف يشيلها فيه حرفين
لا اب يـدري بـه ولا ام تــرده

في خطوته رحلة ودمعة وسكـين
وحـظ تـوسد بالمـراسي مـخـده

جيت اساله بالله قللي ولـد مـيــن؟؟؟
وبـغــى يـجـاوب.. واختـنق صوت رده

أنــا يـتـيم ومـا لــدربــي عـنـاويـــن
وجــزر الحـزن فيني يسـاوي لـمده

وطـعم الطفـولة ما عـرفته لها للحين
وثــوب الســعادة صــرت ما نيب قـده

ابـكي إلــى من شفت غيري سعيـديـن
لـيـن الـبكـــا فـيـني يـوصـل لـحـده

واقفى ورحت امسح دموعي من العين
وعـيـني تـناظر دمعـته فــوق خـــده

وهـذا اللي يـجرح الـقلب جـرحين

ويـمد حـبــل الـحـزن غصب ويشده

---

السلام عليكم ورحمة الله
اول مشاركة لى فى هذا المنتدى الرائع
صح لسانك على هذه الابيات وياااااااااااكثر الى يقسم القلب قسمين وثلاث واربع فى هذه الايام ولكن الله المستعان

صح لسان شاعرها
واشكركم جميع على المرور الرائع ..