عرادات فيهم خير , وعلومهم سفرِه

تحيّه طيبه وبعد:
..
إحدى قصائدي في أمسية حفل الهشيّمات لتكريم
المتفوّقين والمتفوّقات من أبناء وبنات قبيلة بلي
واللتي أقيمت في محافظة العلا
..

....

أنا يارفيق الخير ,, ماتردّني سُفره

أجي لابتي لو كان أسافر لهم سَفرَه
.
دعوني على علمٍ يحثّ النوايا البِيض

عرادات فيهم خير , وعلومهم سفرِه
.
ولبّيه ياربعي ,,,, وانا كان مالبّيت

ياظُلم الرفيق بحقّ ربعه ,,,, وياكُفره
.
سلامي على ربعي أعمّه وأخصّ رجال

نباهم يسرّ القلب ,,,, وايمانهم ضفرِه
.
سلامي على حمّاد ورجال مع حمّاد

رقوا للمعالي ,,, وأكثر الناس محتفرِه
.
يطوفون للتكريم ,,, والله مكرّمهم

عساهم قبول إليا وجبت ساعة النفره
.
محبّة رفاقتهم ,, نَمت منهم وفيهم

وحقّ الرفيق بشهقة الصدر والزفره
.
زحول النقا والطيب والعزّ والناموس

وفا , والوفا جينات , يامحلّل الشفره
.
وهم للرفيق ,,وقالوا الناس بالأمثال

ترى الآدمي ,, ماحكّ جِلده مثل ظفره
.
تعيش العرب في خير ماهي بـتستغني

عن علوم تسقي مِمحل البيد مع قفرَه
.
أقوله بـ حفلٍ يبهج الخاطر المحزون

وانا معيقليٍّ ,,يقدح الشعر من وفره

صح السانك الشاعر :عبدالله المعيقلي
قصيدة جميلة

صح لسانك ولاهنت يالغلا

صح لسانك على هالقصيدة الرائعة............

مااااااااااااافي جديد
سوى الابداع
صح لسااااااانك اخوي عبدالله
ويستاهلون الهشيمات
ودام وجودك

اقتباس:

---

سلامي على ربعي أعمّه وأخصّ رجال

نباهم يسرّ القلب ,,,, وايمانهم ضفرِه

---

انعم واكرم , ونعم فيهم والله

وصح لسانك يالغلااااا


كُن بخير دومآ

ونعم بالعرادات


وبكــ يابو لمار



وسلمت ودمت بهذا الحظور المشرف ياعبدااله



تحياتي

صح السانك ويعطيك العافيه