مــزح وشـويـَّة مـشـاريــه

السلام عليكم ورحمة الله وبركاته


,


سامحوني على الغياب
رغم انّي متواصل مع أغلبية الأخوان هنا




,



يابو علي .. بالله قاطعتني ليه ؟
والله مالي بالحليب السعودي !

نوبه شربته .. بس لعيون شاريه
ماكنت احسب انّه صناعة يهودي

ما اعرف غير الببسي الله يخلّيه
لاصار قرص الشمس وضعه عمودي

السالفة مزح وشويَّة مشاريه
تصادمت واستبرقي يارعودي

ذكرتك وقام القلم عن قوافيه
على الورق حبره يلطّخ زنودي

والشاعر اللي مابرد غير شاهيه
ياصل مواصيل الأسد فوق جودي

العمر : مقفي واجرد الروح مهديه
شرواك , ماوقْفت بوجهي حدودي

يمكن ترجّتني على قدرتي ( إيه )
لكنّ ماقدرت تجمرك جهودي

العشق كلّه باح مُرّه وحاليه
لا احدن يحاسبني على اغلظ عهودي

طالت وانا في خمرة الحب اناديه
لاميْت يسمعني .. ولا حي نُودي

أضحك على اطلاله ليا جيت باكيه
وابكي على ضحكات باقي ورودي

الله يقطع طاري يجيب طاريه
والله يهديني واوفّي وعودي

دام الهقاوي طيّبه مثل ماهيه
يابوعلي برّح عن البِيض سودي

دام البسيط يحيله (المصطفى بيه)
وانا على الجبهه معشِّم جنودي

فرض العصر بالقدس ودّي أصليه
بسَّ الحيا اللي ما انقطع من قيودي

وانت الذي بالطيب فارض معاليه
حايف مداخلها وشايف ركودي

الوقت ماهو بيدي ان صرت بيديه
والارض ماحسَّت بنقصي وزودي

والروح : انا .. والجسم : بس انولد فيه
والعمر : (لحظة) دااايم آقول عودي


,














* أبو علي : أخوي الكبير/ عبدالله مناحي منقرة

معذور يابو سعد مدام عدت لنا بهذه المعزوفه الجميله


دائماً مبدع

صح السانك اخوي سلطان مبدع

وعليكم السلام ورحمة الله وبركاته


وياااااااااااهلا


بسلطان


و

حظور يكفي عن الاعتذار


شكراً شكراً ابو سعد


وننتظر شاعرنا الغالي ابو على .. وبانتظاركـــ يا سلطان



تحياتي وتقديري

لله درك يابو سعد بحـــر شعر يابعدي ..

اقتباس:

---

الله يقطع طاري يجيب طاريه
والله يهديني واوفّي وعودي

---

صح لسااانك اخوي سلطان :)

الابن الغالي الشاعر سلطان الشعر

صح لسانك ودائما راقي ياسلطان اتمنى لك التوفيق والسداد

وتقبل سلامي

اخوي
سلطان
صح كلك وتسلم ياغالي
اشتقنا لشعر من هالنوع
,
,
مبدع

دام وجودك

ومثل ماقال اخوي عايد
ننتظر ابوعلي

لك مني كل موده


عــــبـــــدالله الوحـــــيـــــــــــــشـــــــــــي

صصصح لسانك / أبو سعد


وطلعت مدمن ببسي مثلي



لله دررك أبو سعد

صح لسااانك اخوي سلطان

رائع و مبدع كعادتك أخوي سلطان

معذور يا الغالي

لاهنت

صــــــــح لــــســــــانــــــك ............

صح لسانك قصيدة رائعة يعطيك العافية

[quote=عبد الرحمن الهرفي;809720]صح لسااانك اخوي سلطان :)[/quote