قصيده من ذهب وألماس
السـلام عـليـكــم و رحـمــة الله و بـركـاته
هــذي قـصـيـــدة تعـتــبر مــن أعـظـــم و أقــوى قـصـائـــد الحـكمــة و النـصـــح الـتي قـيـلــت .ولقد أعجبتني وأحببت أن تشاركوني قرائتها.. وســوف تــرون اعـــزائي الأعـضـــاء أن بـعـــض أبـيـــات القـصـيـــدة حـكـــــم و أمـثــــال ...
قـائــل هـــذه القـصــيـــدة هــو الشـريـف بـركـات أو (بـركـات الشــريـف - كمـا هـو معــروف) وقــد اسـنــدهــا لأبـنــه مـــالك يـنـصـحــه فـيـهـــا و يـحــذره مـن الـدنـيــا
و أحـوالهــا و يـقــديــه الى الطـريــق الصـحـيـــح.. و يـعـتـــبر الـشــريــف بــركـات
مـن فـحـول الـشـعـــر في هـــذا المـجــال
يا مـرقـب بالـصـبــح نـطـيـت عـالـيـك =مـا واحــد قـبـلـي خــبرتـه تــعـــلاك
وليـت يا ذا الـدهــر ما كــثر بـلاويــك = الله يـزودنـا الـسـلامــة مـن أتـــــلاك
يا اللي على العـربان عـمـت شـكاويـك = ولـيـت يا دهـــر الـشـقـا ول مـقــواك
واليـوم ها لكانـون غــاد شـبــابـيـــــك = تــلعــب بـه الأريـاح من كل شــبــاك
يا مـالك اسـمـع جابـتى يـوم أوصيـــك =واعـرف تـرى يا بوك بأمرك وأنـهاك
وصـيـة من والــد طـامـــع فــيــــــك = تـسـبـق على ألساقـه لـسـانه لعـليـاك
أوصـيـك بالتـقــوى عـسى الله يهـديـك =لهــا وتــدركـهـا بـتـوفـيـق مـــولاك
الله بحـق أجــدادك الغــر يعـطـيـــــك =مرضاتـه مع ما تـمـنـيـتــه من أمـناك
احفـظ دبـشـك اللى عن الناس مغـنيـك =اللي إليـا بان الخـلل فـيـك يـرفـــــاك
واعـرف ترى مكــه ولاهـا بناخـيــــك = لو تـشـحـذه خـمسـة ملالـيم ماعـطـاك
إجعـل دروب المرجلـة من معانيـــــك = واحـذر تـمـيــل عـن درجهـا بمرقـاك
لا تـنـســدح عـنهـا وتبغيـنى أعـطيــك = جـمـيـع ما يـكـفـيـك ما حاصــل ذاك
أدب ولـدك إن كان تبـغـيــه يـشــفـيــك =وسـتـسـعــفــه من بـعـد مـرباه يـالاك
اما سـمـج واستـسـمـجـك عـنـد شأنيـك = ويـفــر من فعله صـديـقـك وشـرواك
وإلا بعـد جهلـه تـرى هـو بـياذيـــــــك = لـو زعـلـت أمـه لا تـخـلـيــه يـــالاك
واحـذر تـضيـع كل من هو ذخـر فـيـك =مـعـروفـه لا تـنـسـاه و وفـه بعـرفـاك
تـرى الصنايـع بين الأجـواد تـشـريــك = اليـا طـمـعــت بـغـرسهـا لا تـعــــداك
واحــذر سـرور بغـبـة البحـر يرميـــك = ولاعـنـده أفلـس من تـشـكـيك وأبكـاك
واوف الرجال حقـوقهـا قبـل تاتيــــــك = لا تـوفـيـه بالقـــول فالـحـق يـقــفـــاك
وهـرج النميمـة والقـفــا لا يجى فيـــك = وإيـاك عـرض الغـافـل إيــاى وإيــاك
تبـدى حـديـث للمـلا فيــه تـشــكـيــــك = وتهـيـم عـنـد النـاس بالكذب واشـراك
واليا نويـت احـذر تعلـــم بـطـــاريـــك= كـم واحـد تـبـغي به العـرف وأغـواك
واحـذر شماتـة صاحـب لك مـصافيــك = واليـا جـرى لك جـارى قـال لــــولاك
ولا تحـســب أن الله قـطـوع يخليـــــك =ولا تـفــرح أن الله عـلى الخلـق بـداك
الضيـف قـدم له من حــين يـلـفـــيـــك = ممـا تـطـوله يا فـتـى الجــود يـمـنــاك
أكـرم إقبالـه فإنهــا مـن شـــواديـــــك = وابــذل له الـمجـهـود ما دام يـعـنــاك
احـذر تلقـى الضيـف مـقـرن علابيـــك = خـلـه مـحـب لك صـديـــق إذا جـــاك
وأوصيـك زلات الصديـق إن عـثا فيـك = مازال يغـطيهـا الشعــر فاحـتمـل ذاك
راعــه ولـو ما شـفــت انـه يـراعـيـــك =عـسـاك تـكســـر نـيـتـه عـن مـعـاداك
واحــذر عـدوك لـو ظهـر بى يصافيـك =خــلك نبـيــه وراقـبـه ويـن ما جـــاك
لا تأمنـه واطلـب من الله يـنـجـيـــــــك =ويكـفـيـــك ربــك شـــــر ذولا وذولاك
شـفـنى أنا يا أبـوك بآمـرك وأنهـيـــــك = عـن التعـرض بـين الاثـنـين حـــذراك
إذا حضـرت أطلابـه مـع شـرابيــــــك = إســع لهـم بالصلـح والــلاش يـفــــداك
وابـذل لهـم بالطيـب ربك ينجـيــــــــك = ولا تـجـضـع المـيزان مـع ذا و لا ذاك
أما الشهــادة فأدهـا إن أدعــوا فيـــــك = بـين عـمـود الــدين لاعـمـيـت أريــاك
وبـالك تماشـى واحــد لك يرديـــــــــك = طـالـع بني جـنـسـك وفكــر بممـشــاك
رافـق أصيــل فى زمانـك يشاكـيــــــك = لاشـاف خمـلاتـك عـن النـاس غـطـاك
وأحـذرك عـن طـرد المـقــفى حـذاريـك =عـليـك بالمقـبـل وتـرك إللى تـعـــداك
ثـم العـن الشـيـطـان ليـاه يغـويـــــــــك = تــرى إن تـبعـتـــه للـشــرابـيـك وداك
ووصـيـك لا تـشكى عـلينـا بلاويــــــــك = أنـت سبـب طـرفـك عـيـونك بيـمنــاك
واعرف ترى إللى واطى الفهـر واطيــك = ولا أنـت أعـز من الجـماعـة هـذولاك
المسـك يا راسى عن الـذل واخـطيــــــك = واحـــذر تـكلــم يـا لســانى حـــذراك
وألـطـف بجـارك وقـم مـن دون عانـيـــك= وافـطن لما يعنيـك عن ربعـة أحـواك
يا ذيـب وإن جتـك الغنـم فى مفـالـيــــــك = فـإكمــن الـين أن الرعـايـا تـعــــداك
من أول يا ذيــب تـفـــرس بيــاديـــــــــك = واليـوم جا ذيــب عـن الفـرس عــداك
يا ذيـب عاهــدنى وأعـاهــدك مـارميــــك = مـارميـك أنا يا ذيـب لـو زان مرمـاك
والنـفـس خـالـف رأيهـا قـبـل تـرميـــــــك = ترى لهـا الشيـطـان يـرمى بالإهــلاك
ومن بعـد ذا لا تصحــب النــذل يعــديـــك = وعـن صحـبـة الأنـذال حاشاك حاشاك
تـرى العـشــير النــذل يخلــف طــواريــك =وأنا أرجـى أنـك مـا تـجى دون أبــاك
والهـقــوة إنـك ما تـجى دون أهاليـــــــــك= ولا ظـن عــود الـورد يثـمــر بتـنبـاك
والحـر مثـلك يستحـي يصحــب الـديــــــك = وأن صـاحـبه عاعا معاعات الأديــاك
لا تـسـتـمــع قـول الطـرف يـوم يلـفـيـــــك = بالكــذب يقـضى حاجتـه كل ما جــاك
من نـم لك نـم بك ولا فيـــه تـشـكـيــــــــك = وأيـــلاه قــد أزرا رفـيـقـــك وأزراك
عـنـدك حـكا فينـا وعـنــدي حـكا فـيــــــك = وأصبـحــت كارهـنــا وحنا كرهـنـــاك
ما أخطـاك ما صـابك ولـو كان رامـيـــــك = وإللي يصيـبـك لو تـتـقـيت ما أخطــاك
مــير اسـتـمع منى عـسى الله يهـديــــــــك = انـصـحــك يـا مــالك لك الله مــــولاك
عـنـدي مظنــة ما تـمـثـلـتهــــا فــيـــــــك=واطلـب لك التوفـيـق من عـنـد مـولاك
