نظـام ساهـر ماحسبـنـا لـه حـسـاب

محاوره بتاريخ 01-11-2011 عايد السميري والشاعر : محمد بداي






عايد السميري

الليلـه المعنـى علـى الخـط السريـع . ونظـام سـاهـر ماحسبـنـا لــه حـسـاب
................ ويـن أنـت ياللـي لـو تخالـف ماتخـاف / واللـي عقـد روس الحـبـال يحلـهـا

من بعدها سلام شامل للجميع . سلام(ن) أصدق من مراويح السحاب
................ وإن كان وجه الأرض مرهقـه الجفـاف / اللـي عقـد روس الحبـال يحلهـا


محمد بداي

الليله المعنى على الوزن البديع .. وعيون ساهر لو تراقب ما نهاب
................ عايد وف العوده لكم حفلة زفاف .. واللي عقد روس الحبال يحلها

يا مرحبا بك عد برّاقٍ لميع .. اللي كشف كل الروابي والهضاب
................ وان كان بنت القوم فارقها العفاف .. اللي عقد روس الحبال يحلها


عايد السميري

قالوه ماياقف لها غير الشجيع . وبعض الهقاوي كذب ماتكمل نصاب
................ يامحمد وشوف الثقال من الخفاف / واللي عقد روس الحبال يحلها

فيك البقاء والهاجس الليله فضيع . على الحقايق فاتح(ن) عشرين باب
................ والواقع أصدق من شهود الأعتراف / واللي عقد روس الحبال يحلها


محمد بداي

ان كان تشري بالذهب وشله تبيع..من خسر راس المال يبشر بالذهاب
................ يازينها لاجت لك حد الكفاف.. واللي عقد روس الحبال يحلها

وان كان لاصيّفت ودك بالربيع..احجز حجوزات الذهاب مع الاياب
................ واحذر من الايام وسنين العجاف.. واللي عقد روس الحبال يحلها



عايد السميري

من راس ماله عز لايمكن يضيع .. ماهي سوالف بورصه والا إكتتاب
................ لا تقول لي أيامنا فيها أختلاف / واللي عقد روس الحبال يحلها
ياسيد العريّف مدري يالكيع .. ترى الربيع العربي هذا عذاااااب
................ صحصح معي وأنس المخده واللحاف / واللي عقد روس الحبال يحلها



محمد بداي

ياعايد المعروف يجزا بالصنيع..ما ودنا لك يالسنافي باكتئاب
................ ايامنا وليالنا فيها رعاف..واللي عقد روس الحبال يحلها

وان عاكستك ايامنا خلك وسيع..واغنم شبابك قبل ما يفنا الشباب
................ واباك قدم القوم لاترجع خلاف..واللي عقد روس الحبال يحلها




عايد السميري

جزاك ربي خير يالشيخ المنيع .. في ردك أدخلت السؤال مع الجواب
................ وحنا نعرف السعي ونعرف الطواف / واللي عقد روس الحبال يحلها

ياطيب قلبك والشمالي مايطـيع .. والنجدي أيقول الشمالي ويــش جاب
................ وعيديته هديه بوسط الغلاف / واللي عقد روس الحبال يحلها



محمد بداي

الزبده اللي في يديني ما تميع..ارفاك رفي العين من تحت الحجاب
................ واعرف طرق الخد واعرف السناف..واللي عقد روس الحبال يحلها

عوذ من الشيطان بالرب السميع..واحذر يغرك لازما ضوح السراب
................ ضحيّت بالهرفي ولا احب الضعاف..واللي عقد روس الحبال يحلها


عايد السميري


من دار لا زنقه الى موت(ن) شنيع .. نهاية اللي حرّف آيات الكتاب
................ وإن كنت تعرف وين خط الإنحراف / اللي عقد روس الحبال يحلها

نعوذ باللي كافل(ن) رزق الرضيع .. وفرق مابين الحر الأشقــر والغراب
................ كل ( عام وأنت بخير) شطر ختام قاف / واللي عقد روس الحبال يحلها



محمد بداي


ماني بعلماني ولا ني مستشيع..امشي بدرب الحق تابع للصحاب
................ والمنحرف لن ما انعدل عدّوه زاف..واللي عقد روس الحبال يحلها

يعجبك حرلا شهر وقعه فضيع..ماهمته ربدٍ تدرّق بالشعاب
................ يالله حسن الخاتمه تال المطاف ..واللي عقد روس الحبال يحلها

صح السانك وانت الشاعر يعطيك العافية

صح لسانك يابو زياد شاعر علم


وصح لسان محمد بداي

يعطيك ألف عافية............

صح لسانك انت والشاعر محمد بداي

وننتظر جديدكم

ابوزياد
صح لسانك وعلى شانك
طاروق جميل ومميز
مايلعب عليه إلا شاعر
والشاعر
محمد بداي له مني تحيتي
وصح لسانه
اخوي عايد
وتمنياتي بالتوفيق للجميع
ودمت ودام حضورك


عبدالله الوحيشي

يعطيك الف عاااااااااافيه

وصح لساااااااانك:|for you|:

اقتباس:

---

المشاركة الأصلية كتبت بواسطة مقرن البلوي

صح السانك وانت الشاعر يعطيك العافية

---

مقرن البلوي

صح بدنكــ نورت متصفحي بمروركــ

ويااااااااااهلا بكــ

يعطيك العافيه

اقتباس:

---

المشاركة الأصلية كتبت بواسطة سالم محمد ابن عياده

صح لسانك يابو زياد شاعر علم


وصح لسان محمد بداي

---

الشاعر القدير / سالم محمد ابن عياده

سعدت بمروركـــ وصح بدنكــ يابو فارس

وشهادتكــ وسام فخر واعتزاز لـــ عايد السميري


شكري وتقديري

اقتباس:

---

المشاركة الأصلية كتبت بواسطة مشعل بن مشحن السرحاني

يعطيك ألف عافية............

---

مشعل السرحاني


الله يعافيكـــ ويااااااااااااهلا فيكــ