احلام الصبا
مابين تـأنيب الضــمير وبين عــزمــي للرحـــيل =رفــت عـيوني واستقـر الدمـع بين أهدابها
وأشــرفت في مرقاب كنت آخايله وقــت الأصـيل = وأنصاه لامن ضاقت الدنيا ووسع رحــابها
واسترجع أحــلام الصــبا وأيام ماضـينا الجــميل = وأرمي بحـزني بيـن مخـلاب اللــيال ونـابها
أيـقـنت في قِـمـتْه بـإن الـفـــوز ماهــو مستحــيل = وأول حــلـول المشكلات إنك تعَرف أسبابها
واعــلـنت ميلاد الأمــل في عتمة اللــيل الطويل = وأخلفت في عزمي هقاوي ناس كنت أرتابها
كنت أعطي الغـالي بـنفس ودايـم أرضـى بالقـليل= حتى قهرت عداي وأصحابي كسبت إعجابها
والهاجـس اللي من ثلاث سـنين خــلاني عـلــيل = كــدر مشـــاريبي وسكــر لي جمــيع ابـوابها
طالت ليالي غربـتي والحـلم في صـــدري قــتيل =وأنا آتعـــذب من شروق الشمس لــين غيابها
تطــربني أصـوات البـلابل والغــناوي والـهـديـل = أحـــبها رغم الألــم وأكـــره نعــيق غرابها
قــناعـتي كــنزي وكـثر المـــال مافـــاد البخـــيل =والقـــافله تمضـــي ولـو طــول نباح كلابها
والوقــت حــده مــثل ما قـالوا مثـل حـد الصــقيل = ( والخــيل من خيــالها والنار من شـبابها )
وإن لاح براق الحيا من شرق في عرض المخيل =أتذكر أصحاب ٍ عجزت القى عـذر لغيابها
ياما تعـاهــــدنا على صـــدق الـنوايا والدلــيل..!! =إنـا تــركـنا في زوايــا الــدار بصــمتنا بــها
والـيوم كــل ٍ راح في حـاله وأنــا حـملي ثقـــيل =آجــــابه الدنــيا لحـــالي وأسـتـــلذ مصـــابها
صــارت صداقـتنا مـصــالح كـنها رد الجمــــــيل = واللي يــبي ضـــيقة صـدر لابـد مايـلـــقى بـها
واللي صفت له ضاع فـيها مـادرى بإنـه نـزيـــل = له يــوم يرمى فـوق وجـهه من صعـيد تـرابها
بآقــول قــبل أنــهي كــلامي وآتحـزم للرحـــــيل = لابو زمن صارت به أصحاب ٍ تخون أصحابها
وســـلامتكم
سالم البلوي
