الا يـاوجـــودي
الا ياوجـــودي وجــــــد طـــــيّار طــــايــــره
رمـــــاه القـــــدر والحـــــرب دقـــت نذايره
تعـــلق بمـــنطـاده وســـاقه على العِــــــدا
وقـــــع بين عـــــدوانه ونفــــــذت ذخــايره
رأى المـــوت بعـــيونه ولالـــه ســـوى البكا
كســــــير ٍ ولا تنفــــع بســـاقه جـــبايــره
وانا حالـــتي مــــثله وعــــــِّزي لحـــالــــتي
على اللي فـــــراقه شــب فيني سعــــايره
صــــديق ٍ صدقــــني ماتعــــدد جــــــمايــله
يمـــــــد الثمـــين.... وْلا يحــــسب خسايره
مــــطار المـــــــَوحد قد جـمــعنا على الوعـد
وفي صــــــالة الـــــــركاب حــــبيت أسايره
أسليه...... والفـــــرقا ثــوانــــــي بقـــــــالها
وانا لوجلـست تصــــــير وإن رحــــــت صايره
ابآوادعــه..... وفـــــراق شـــــرواه مقـــــدره
ولكــــــــــن ذي الدنيــــــــا والايام جـــــــايره
اضمه ....وانا اخــــفي عن عيـــونه مدامعـي
وأشـــــــــده لصــــــدري لين طـــــقت زرايره
ولا ريـــد أوضــــح له مــدا الحـــزن.... داخلي
انا اضــــــحك معــــــاه ودمـــعة العين حايره
أخـــــذ شنطــته واقفى ........وعيني تناظره
على الطــــــايره ثم أقــــــلعت فـــــيه طايره
صــــديق ٍعلى فـــــــرقاه هلـــــت عــــبايري
وهــــــو يـــــوم قــفى غصـــب هلـــت عبايره
انا كــــــــني الـــتايه من فـــــراق صاحــــــبي
مــــــثل من نـــــزل في دار قـــــــــفر ٍ وبايره
حشـى ......مــــذكر انه يوم قــــصر بواجبي
ورفــــــــيع القـــــــدر وإن زل تدمـــــح صغايره
اســـوق القــــدم من حر مافـــي.... واتــــجه
على مطــــــعم ٍ قد جــــــاه وأطــــلب فطايره
ثلاثـــين ليــــــله ......لا إتصـــــال ٍ ولا خـــبر
مَـغـَــير أنتــــــظر ياناس رجـــــــــوى بشايـــره
لعـــل الولــي..... يجـــمع قلـــوب ٍ توالـــــــفت
وهذا رجــــــــاي وطـــــــــبع الايــــــــــام دايره
وســلامتكــم
