ومن لا يودك صادقا لا توده
الاخوان في هذا المنتدى العملاق .. يشرفني ان اكون احد افراده ..
ثم اقبلوا مني هذه المشاركه المتواضعة .. وهي قصيده للشاعر : عوضْ بن نويجع الضميني العنزي ( رحمه الله )
قال الضميني في كلام ٍ يعده "=" على نحو فكره يركز معانيه
كل ٍ على قده همومه تضده "=" وكل ٍ بعظم رياه تعظم دعاويه
وكل ٍ بزود غناه يزداد وده "=" وكل ٍ بعد اخطاه تبعد هقاويه
وإن كان ما تصبر على كل شده "=" لا مرقب ٍ ترقاه ولا قصر تبنيه
ومن لا يودك صادقا لا توده "=" ومن لا يداري خاطرك لا تداريه
القلب يجفل عن وجيه ٍ مصده "=" انشهد إن القلب دليل راعيه
سيلا جرا عن مدرجه لا تحده "=" جنّب وخل السيل يضرب مجاريه
ما فات من دنياك صعبا مردّه "=" خذلك من الماضي عباره وتوجيه
ومن لا فعل ما ينفعه فعل جده "=" ولا فعل ابوه ولا فعل من يواليه
ترا الرجل تذكر له اعماله بيده "=" من زين ولا ّ شين فعله مكفيه
ما ينسقي من البير من غير عده "=" ولا يقتضي بالسوق من خلت يديه
لقيت من يبني غلاه ويهده "=" مثل الذي يعمي عيونه بياديه
وصلوا على من جاب علم ٍ ورده "=" على نبي ٍ ثبّت الله خطاويه
رد: ومن لا يودك صادقا لا توده
نشكر الأخ على طرحه للقصيدة
ونود أن ننوه أن الشاعر أسمه عوض بن سليمان الضميني العنزي وهي اطول من ذلك
وليست للشاعر عوض بن نويجع وعوض بن نويجع شاعر من قبيلة المشطه من عنزه
وللشاعر عوض بن سليمان الضميني عدة قصائد منشوره في ديوان شعراء من قبيلة الضمين
وعلى موقع قبيلة الضمين في الإنترنت وموقع قبائل ولدعلي على الإنترنت
تحياتي ،،،،،
