اهدا الى لا اخ الغالي المقدم فهد حمود الفريعي

عبر هذا المنتدى الشامخ في رجاله اهدي هذه الا ابيات
الى الااخ الغالي المقدم فهد حمود الفريعي
متمنياً ان تنال اعجاب الجميع

صغيره عندي الدنيا كبيره عندي الأحلام =وانا اللي من صغر سني أصارع وقتي القاسي
تعبت وكانت الرحله طويله تتعب الأقدام =خسرت بدربها عمري وبعض احبابي وناسي
اجامل لو عبارات المشاعر ترغم الأقلام =تسطر واقعً بين على صدر الامل ياسي
على وقع القصيده جيت يابن حمود والايام=تحاول تكسر عنادي وانا اللي منحنى راسي
وانا لو ماعتبرتك بالضروف الكايدات حزام=واعرف انك رجل مطنوخ وايضاً بالزمن راسي
قسم بالله ماصوغ القوافي وارفع الاعلام=ولا اتعب للقصيده والمعاني واتعب احساسي
ولكن اني أعيش وصارت الأحلام والأوهام=يشيد صرحها من دون لا ميده ولا ساسي
واشوف ان المدينه ما تقدم والصفوف اقسام=وغدا فاس العرب بشت وغدة بشت العرب فاسي
وغدا لوم العرب يلحق رجالاً امس ماتنلام=وغدا اللي باخر الطابور مقدم واساسي
ومدام ان الأصابع كلها ماتحمي الإبهام=ومدام اني رفضت ارهن قلم شعري وقرطاسي
اجل حي الله التفكير والهاجوس والألهام=وحي الله قصيدً لاكتبته ذكر الناسي
أبا أبحر بالقوافي وافتخر في ملة الاسلام=ومن لايفخر بدينه يعيش العمر بافلاسي
لوانا بالرضا نرضا ولا نرضا رضا الارغام=ماكان نقفل البيبان ثم نحط حراسي
ولو انا للخطا نرفض ماصرنا كل ابونا اخصام=وقعدنا نقول يا فرناس ليه أهملت عباسي
ولو انا نصفي النيه ونبقا بالحياه حشام=انشهد غير نلقى الذاهبة في وقتً قياسي
ولكن الزمان الشين يحدانا على الا قزام =عطا هم ربنا والحمدلله كاشف الباسي
ولو عادت على الأفعال والوقفات والاقدام=ياكثر اللي ليا ثارت يجي من فوق متاوسي
هذاك اللي مشاريهه تعدت شرهة الحكام=على قرشين كانزهن غدا في وقتنا سياسي
ترا ليل العوافي لو يطول بالزمن مادام=وملك كليب لو يحمي حمى من رمح جساسي
ولو كل الوفا يثمر ماضحى الزير في همام=وحطو في محلك يالذهب قصدير ونحاسي
واذا الحجاج مايلبس بيوم الترويه احرام=اجل لايقول حجينا لوجه المطعم الكاسي

صح لسانك ياأبوريان وكل أتؤدي يستأهل المدح ،،،،،،،،

رائعه من روائعك الذهبيه
وكلمات صيغة بحنكة وعقل شاعر مبدع
ابن عمي
لك الاحترام والتقدير
دمت بخير

والنعم بالمادح والممدوح
ومن عمل الطيب يستاهل ذكر الطيب

أكرم وأنعم بآلمآدح وآلممدوح
..
واشـوف ان المدينـه مـا تقـدم والصفـوف اقسـام ..وغدا فاس العرب بشت وغدة بشت العرب فاسي
..
لله درك أبآ ريآن ..#

صح السانك ابوريان

حياك ابو فيصل
صح بدنك يالغالي ولك الشكر على المرور

حياك ابو ريان
صح بدنك يالغالي ولك الشكر على المرور
كلمات طيبه من رجل طيب اكن له التقدير والاحترام

الاخ العزيز/رشيد
حياك الله ومرورك اعتبره مرور غالي وأشكرك عليه
وما عليك زود يالغالي أردة عبر هذا الصرح الشامخ ان افضفض لأخي ابو حمود عن بعض مافي الصدر
اكرر الشكر لك تقبل تحياتي

حي الله ابني الغالي
لك الشكر على المرور والله يجيبك لنا طيب
تقبل خالص التقدير

حياك ابو محمد
صح بدنك يالغالي ولك الشكر على المرور

حياك الله يابو ريان...وصح لسانك مليون على القصيده الجزله

تقبل هذه الابيات المتواضعه التي حاولت جاهده ان ترتقي لما قبلها ولكنها لم تستطيع..فأتت هكذا ..فتقبلوها كماهي

تقدّم يارفيق الجِّنّ بصفوف الجنون شْمْام=بنسري ليلة الليله على ميعاد هوجاسي
وشب النار بين سهيل واطراف الجدي قدام=تراني لاوصلتك يالسنافي باين عماسي
ولا تقهويني الدنيا بما فيها من الانعام=يقهويني بياض الوجه مع ربعي وجلاّسي
سلام الله على بيض النوايا في سليل خزام=سلام الله على صدر" وسيع يقاسم انفاسي
سلام الله على الجود المأصّل والشهود اعوام=بها العيشه قليله والكرم مسموع الاجراسي
سلام الله على صقر" كفخ بين النجوم وحام=جمع طيب الرجال وحط للملعون وسواسي
هلابك عد من صلى بهالدنيا كثير وصام=هلابك عد سيّاتي وحسْناتي بكرّاسي
هلابك عد قطرات العَرَق باسفل جبين الشام=هلابك عد حبّات السنابل وسط الاكياسي
لفاني قافك الليله وعيني مستحيل تنام=وانا لا شفت خيرات السحابه يجفل نعاسي
عزيز الحلم ياغازي واشوف ان الزمن منظام=ظلمناه الحزين ولا لقى في حزنه مواسي
يقول ان الليالي نفسها واستقبلت اقوام=وانا نفس الزمان وعلّتي في منظر لباسي
أشابه للحصان اللي لقا نفسه كسير عظام=واوادمكم من عظامي بهم صيتي ونوماسي
سنيني تلفظ انفاسي وبعض المسلمين نيام=يحسبون الدهر كلمه صغيره بين الاقواسي

صح لسانك يابوحمود مليون
قصيده جزله من شاعر جزل اشهد انك شاعر وانا لومدحتك قبل ألقصيده قالو أني اجامل
ولكن الان اقول شاعر وهذه ألقصيده اكبر شاهد
ولا تقهويني الدنيا بما فيها من الأنعام يقهويني بياض الوجه مع ربعي وجلاسي
بيت ينطبق على صاحبه والنعم يابوحمود
دمت بخير

لك الشكر ياصاحبي وماعليك زود

اهداءك غالي علي ..وودي ان الرد كان افضل مماكان لكن اعذرنا على القصور

تحياتي لك

ماشاء الله ابوريان وابو حمود مساجله طيبه من طيبين بارك الله بالجميع
ابا ريان استمر باستجلاب الدرر من مكامنها
هناك شعار يخفون شعرهم عن المنتديات. امل تواصلك معهم لاخراج مكنونهم كما فعلت مع ابو حمود وهو شاعر معروف وغني عن التعريف وصفحته عبر الفيس بوك شاهد على ذلك وان لم يضع بها كل مخزونه الماضي والحاضر والمستقبل وفق الله الجميع الى مافيه الخير والسداد

حياك الله ابو مشعل
وجودك في هذا المكان شرف لي وكلامك وسام اعتز به
وصدقت ان ابو حمود ممن يملكون شعر يستحق ان ينشر ولكن تواضعهم يحول دون ذلك
فلك مني الشكر وسوف ابحث جاهدً عن اصحاب الشعر الجزيل امثال ابو حمود واحاول اقناعهم بالنشر تقبل خالص التقدير