ذكـــــرى عــــذابـي
صباح الخــــير يالجــــرح القــــــديم اللي يفــــيق اليا بزغ نور الصباح وضـــاح
من اسبابك نحلت ....وشاب شعري.... وإنتثر دمعي ...ودمي بالعروق يفــــــوح
والا ياللي تقــول إن الجــــروح تــــروح ....شف جرحك بقــــلبي باقي ٍ ماراح
علامك تـــقــــتل أحلامي بيــــّدك ياحبيبي ...... وانت مالك بالقـــــتل مصلوح
وانا ياما عطيتك من حــنـــان ....وْمذكــــــر إني منــــك يالظـــالم خذيت أرباح
سوى الجرح الذي خلاني أكره طيبتي.... وأصبـــــح بعينك عاشـــــق ٍمجــروح
بعد ماضـــاق صدري مـــنك رحت... ويوم شفت البرق في عرض المخيله لاح
نويت اصـــرخ ...وانادي... وأشتكي من ضيقتي ...لكن منعني صوتي المبحوح
خطـــاي ....اني عطيتك فرصتين.....ومقتنعت إنك عــدو ......وفي يديك سلاح
نويت تضرني .....وتهدني .....لكن نجـــوت بــفضل من نجــــا نــبيـه...... نوح
تخطيت الخــــطوط الحمـــر واخـــطيت وخطاك اخـــطر عليه من خــطا جراح
والا ياشينـــها في هالزمن ....عـــند العرب... دمع الثـــقيل وطيحت الطحـطوح
قلعت النخـــله اللي كم جـــنيت عذوقها...... من شان تزرع ......بـــذرة التــفاح
نسيت إن الزمن يمضــي سريع ......وْما فعلته في حيــــاتك منكتــــب بالـلـــوح
رحلــــت......وبعد عامــــين ٍ مضن.... ودك تليـــن خافــقي في دمعـة التمساح
وانا ياما ترجيتــك بصـوت ٍ قد تقطــــع ......لا تروح ارجـــوك ....قبل تـروح
بعـــد هذا ......تجـــيني كاسيــــه وجهــك تجاعيد الزمان ......وتفرك المسباح
تصـــيح من الهــمـوم ......وتشتكي من وقـــتك القاسي عليّ.... وتنحني وتنوح
تهـــادت في دروب التـــيه .....خطواتـك ....غريب ٍ ويتـهـيالك وجـود اشبـاح
تـــوارى عن عـــيـون النــاس وعيونك حيـارى.... صاير ٍجسم ٍ ....بليا روح
تذكر..... كم غرزت من الخناجر في حشاي... وكم لبست من الغرور وشاح
تذكر.... كم بنيت صروح واخلفت الهقاوي... وانت ناظر كم هدمت صروح
على صدري حمل ...مثل الجبل... ما يحتمل ...ياعونة الله هـــومتى ينــــزاح
وانا... من راحت ادراج الرياح احلام عمري ....زادت جروح الزمان جروح
اريد ابكي... ولكن خوفي العدوان تشمت بي ...وانا ادري لو بكيت ...ارتاااااح
كرهت الصمت.. من كثر المآسي والهموم ...وْيوم جيت احكي.. كرهت البوح
عرفت ....إن الكـــفـــاح اول طريق للنجاح بدنيتي...... وإن الصبــــر مفتاح
وعرفت ......إن اقتراف اخطاء غيري بالزمن هذا غبا .. واللي جهل مسموح
يمر الــــوقت واللــيل البهـيم سياج .. واحلامي عذارى .......والحــــزن سفاح
ولو طال إغترابي .....قلت عن كل السوالف لو تجي ولا ّ تروح ......مــزوح
اسابق خطــوتي ....مدري على وين اتجه..... والحظ عاثر ....والسنين شحاح
كأني شخص تــايه.... والسبــاع تــلـف حوله لين طاح .......وصار ماله شوح
على ذكــــرى عذابي.....غرد القمري شجن .....والعود الازرق بالمدينه فاح
ذكــرني .....من نكـــرني يوم كنت بحاجته .......واليوم عندك ياحمام الدوح
وسلامتكم
