كيف تصبح شيخ حقيقي للقبيلة..؟؟

كيف تصبح شيخ حقيقي للقبيلة..؟؟

السلام عليكم

هذه قصة طريفة جدا..
طبعا هذة مجرد قصة ولا نعني بها احد..

كان يا ما كان كان هناك شخص يدعى علي بن لبدان..
المهم علي بن لبدان هذا كان كل امنياته في الحياه انه يصير شيخ قبيله
لكن ما فيه مقومات وما احد بيعطيه مجال لان الشيخه لها ناس واخرهم علي بن لبدان..
بعد ما يأس من الشيخه في قبيلته قال يا ولد انا بافصل لي شبريه زي الشيوخ الكبار واكتب عليها:

الشيخ علي بن لبدان..
المشكله ما فيه دراهم قام باع الغنم كلها علشان يفصل الشبريه او(جنبية) ومن النوع الغالي (الحلم)..؟؟
فصل الشبرية او الجنبيه الثمينه وكتب عليها:
الشيخ علي بن لبدان قاتل ميه ومعتق ميه..؟؟
علشان الشيخه تكون على اصولها..

المهم ذهب في الارض بعد ما باع كل شي علشان هذه الشبريه..
هائم على وجهه لا فرس ولا حتى حمار ولا قليل ولا كثير.
ومشى وابعد عن ديرته بعيييييييييييد..
المهم من كثر التعب جلس تحت شجره ونام

وهو نايم الا ويشوفونه مجموعه رجال من البادية قربوا منه وبدون ما يحس..
طالعوا فيه وطالعوا في الشبريه التي على صدره:
الشيخ علي بن لبدان قاتل ميه ومعتق ميه..

وقالوا: الله يكفينا شره هذا ماهو بسيط هذا مطلوبنا هذا اللي بيحل مشاكلنا..؟
المهم صحوه برفق ولين.وهذا شيخ وقاتل ميه يعني العباطه ما تنفع معه..
المهم قام الشيخ علي خير وقال ايش فيه ..
(من الخوف طبعا)
وقالوا :
لالا ابدا بس قلنا تتفضل عندنا هنا يا شيخ علي..

هو: هاااه الشيخ علي طيب طيب..
(اول مره يسمعها في حياته)
هم :تفضل تفضل.
المهم راح معهم قهووه وغدوه وريح وقيل عندهم
وقالوا له: كبار القبيله عازمينك الليله على العشاء.
وطلبناك ان تقول تم..؟
قال:
تم تم..

المهم اجتمعوا وتشاوروا قبل ما يجي الشيخ المزعوم
ويوم جا وتعشى من هالذبائح
قالوا له: العلم سلامتك يا شيخ علي..

إحنا قبيله ما عندنا فارس ولا عندنا شيخ.؟
وقطاع الطرق ذبحونا ما يمر يومين الا وهم
داخلين عندنا ياخذون اللي يريدون من حلالنا واغنامنا.
وإحنا لا حيله لنا ولا بصيره..

لمعت عيون الشيخ علي من الفرح
قالوا له: اسمع إحنا بنحطك شيخ لنا كلنا..
طبعا الشيخ علي على طول قال انا موافق..
(حلمه القديم ان يصبح شيخ)..؟
قالوا بس فيه شروط
الشيخ علي يتمتم :انا لله وش شروطه؟
طيب وإيش شروطكم:

قالوا فيه ثلاثه اختبارات ان نجحت فيها تاخذ الشيخه..
وان ما نجحت فما لك عندنا الا ضيافه ثلاثه ايام..
الشرط الاول :
اختبار الفروسيه والقتال..؟

الشرط الثاني :
اختبار الشجاعه.

الشرط الثالث :
اختبار الذكاء.؟

المهم فكر الشيخ علي شوي وهو عارف ان ما فيه ولا شرط ينطبق عليه..
قال يا ولد خلني استفيد قدر المستطاع على الاقل.
اذا جاء اختبار الفروسيه اخذ من عندهم فرس واحط رجلي وأقول يا ساتر..؟
قال لهم: انا موافق..
قالوا اختبار الفروسيه بكره جهز نفسك.؟

جاء اليوم الثاني
قال انا جاهز قالوا له نريدك تقاتل قطاع الطرق وترهبهم علشان ما عاد يرجعون لنا.
قال طيب بس اريد فرس متعوده على الكر والفر.. قالوا: جاهزه والسلاح جاهز..

طبعا الرجال عمره ما ركب خيل.؟
قال اريدكم تربطوني على الفرس ربطه ما تنفك..؟
ركب الفرس وربطوه ربطة الشر واخذ سلاحه..

قال: وينهم قالوا:
في الجهه الشماليه قال طيب.. وراح يوم ابعد وهو يهرب جهه الجنوب..؟
ومشى الا والله ان قطاع الطرق قدامه..؟
ويوم تشوفهم الفرس وتقول: بسم الله عليهم.. لأنها متعودة على الكر والفر..؟؟
والشيخ علي يحاول ينزل يمين شمال يحاول يوقف الفرس..
ما فيه فايده والفرس رايحه لهم رايحه وهو مربوط ربطه شينه..؟
المهم وهو يطالع الا شجره قدامه.؟
ويوم وصل جنبها وهو يتمسك بها مضبوط ليفتك من الفرس..
لكن الربطه كانت قويه والقرد ما فكة..؟؟
ولم يدري الا وهو يكسر غصن الشجرة الكبيييييير من الخوف..؟

ويوم شافوه قطاع الطرق وبيده الغصن الكبير وطريقته في اقتلاع الغصن الكبير..؟
خافوا منه وسلموا واستسلموا قالوا: هذا الداهيه عزا الله بيذبحنا كلنا..؟
وهو اللي قلع ذاك الغصن وراعي هذا الهجوم الخاطف ما لنا الا نستسلم..
يوم شافهم الشيخ علي مستسلمين رجعت له المراجل..؟؟

قال :
يالله يا كلاب واحد منكم يربط البقيه والا والله لاذبحكم ذبح الشاه..؟
المهم ربطهم كلهم وسحبهم..
وراح للقبيله وهم قدامه مربوطين زي الغنم..
ويوم شافوا القبيله قطاع الطرق مربطين..

قالوا :
عزا الله شيخ ولد شيخ..؟


وقاموا يفكون الرباط اللي مربوط فيه على الفرس ويهنونه ويكرمونه..؟

ويريح الشيخ علي..
وهو يقول: في نفسه لولا الله لراحت الفرس ورحت انا فيها ايش هالورطة..؟

وجاء اختبار الشجاعه..
قالوا له :
فيه اسد دايم ياكل حلالنا ونريدك تقتله..؟

قال:
هااااااه اسد عدلوا بدلوا يا جماعة الخير..
قالوا :
اسد
قال :
طيب دلوني عليه بس ابغى فرس.
بس غير الفرس هذي..؟
ما تنفع له يبغى وحده حبيبه..؟
( ما هي حقت مشاكل مثل الفرس الأولى )

قالوا :
طيب وتخير يا شيخ علي ..
المهم لقي وحده هناك شكلها ضعيفه مالها في المشاكل..
قال :
هذي..؟
قالوا:
يا شيخ علي هذي تعبانه ما هي حقت كر وفر وانت بتقابل اسد..؟
قال :
انتوا تعلموني الكر والفر وبعدين من هو اللي بيقابل الاسد انا والا انتوا..؟
قالوا :
خلاص يا شيخ علي: انت ادرى..؟

المهم اخذ الفرس التعبانه ويوم يريدون يربطونه على ظهرها قال :

لالالا

(خايف من الورطه القديمه)..؟
وقال: كل معركه ولها طريقه..؟
اخذ الفرس الحبيبه هذه وتوكل..
قال لهم :

من وين الاسد هذا اللي يطلع لكم.؟
قالوا :
من الشرق ..
قال :
طيب خلاص الله يرحمه..؟
ويوم ابعد وهو يروح الى الغرب ..
وهو يقول:

قالوا اسد مجنون انا اقابل اسد..؟
ومبسوط من الفرس تمشي على اقل من مهلها..؟
مشى الرجال الى ان تعب وهو يشوف له تلك الشجره الكبيره..؟

قال:
اريح وأقيل هنا..
المهم ربط الفرس وطلع هوه فوق الشجره ونام..؟

شويه الا والاسد جاي..
الله لا يوريكم الشجره هذي بالذات محل ما يقيل الاسد..؟

أما الفرس من يوم ما شمت ريحة الاسد
وهي صابها جنون وتحط رجولها وتعود لاهلها..؟

والشيخ علي نايم في سابع نومه على الشجرة..
ونام الاسد
والشيخ علي ينقلب ويطيح على ظهر الاسد..؟


ويخرع الشيخ على الاسد..
لكن الشيخ علي من كثر الخوف تمسك مضبوط بظهر الأسد..؟
لانه عارف انه لوطاح بيروح فيها..

ويحاول الاسد يطيحه يحاول
لكن الرجال متمسك مسكه خوف يعني متسمر في ظهر الأسد..؟
ويحاول الاسد يطيحه يمين شمال..
لكن الشيخ علي.. ما فيه فايده الرجال متسمر في ظهره
ولا هو ناوي يفكه..

المهم وبينما الصراع
(صراع من اجل البقاء طبعآ)
قائم بين الشيخ علي والاسد..

القبيله هناك بعد ما رجعت الفرس
عرفوا ان الشيخ علي تعرض لمكروه
وقاموا كلهم ويلحقونه ..

ويجون الا والله الشيخ علي متمسك بظهر الاسد..

والأسد يحاول
يطيحه..؟
ويجي واحد من القبيله ويقتل الاسد..؟
ويطيح الاسد ويموت
والشيخ علي متسمر فيه..
ويجون عند الشيخ الا وهو زعلان مررررررررره ..؟
قالوا الحمد لله على السلامه يا شيخ علي..؟
قال :
الله لا يسلمكم..
قالوا:
ليش يا شيخ:
قال:
من اللي قتل الاسد
قام واحد وقال:
انا يا شيخ..؟؟
قال:
الله لا يوفقك..
قالوا لييييش
؟؟؟؟؟؟؟؟؟؟؟؟؟؟؟

قال:
انا كنت قاعد أروضه ان أعمله ركوبه لي وتجي تقتله حسبي الله عليكم..؟
المهم اعتذروا منه وتسامحوا منه..

وقام الشيخ علي يسامحهم وياخذونه ..
ويرجعون على القبيله ويعشونه ويحتفلون به
الفارس العظيم الشيخ علي مروض الاسود..؟

المهم هو يفكر يقول :
راحت علي الفرس لانه عارف انه ما بينجح في اختبار الذكاء
لان ما فيه مجال للحظ في هذا الاختبار..

جاء موعد الاختبار النهائي
اختبار الذكاء

المهم جابوا تنكه
وحطوا نصها عسل..
والنص الثاني الله يكرمكم
( بعر غنم )
وغطوها وقالوا :
يالله يا شيخ علي تقدر تقول لنا التنكه هذيك وايش فيها..؟

المهم الرجال قعد يفكر في وضعه لانه عارف انه ما راح يعرف
يفكر كيف حاله اللي كان فيه والامجاد اللي عاشها اليومين..؟
اللي راحت مع هذا القبيله اللي نادوه باغلى اسم عنده
وهو الشيخ علي..

فكر فكر وكيف بيكون وضعه بعد ما يروح من عندهم.
وهو يتكلم مع نفسه..
وهو يتزفر زفرات من قلبه..
وبدون ما يحس طلع من لسانه..
جزء من الشي اللي يفكر فيه..
قال :

( اللي اوله عسل اخره بعر )

كلهم صاحوا :
صح صح جبتها يا شيخ علي..؟
وقاموا يحتفلون به
وهو ما يدري ايش السالفه..؟

الا بعد ما فتحوا التنكه
واخيرا تحقق حلم الشيخ علي..؟

واصبح شيخ قبيله حقيقي..؟
اتمنى انها اعجبتكم..
لكم اجمل تحياتي
ماجد البلوي

ول يا بن لبدان لو تمناها منوه ما جت معه كذا

هاذي قولت (جت مع الهبل دبل)

يعطيك العافية يا ابو سعد على هذه القصة الممتعة

اقتباس:

---

المشاركة الأصلية كتبت بواسطة طلال بن شليويح الوابصي

ول يا بن لبدان لو تمناها منوه ما جت معه كذا

هاذي قولت (جت مع الهبل دبل)

يعطيك العافية يا ابو سعد على هذه القصة الممتعة

---

هههههههه
والله انك اضحكتني يا الجوري
اضحك الله سنك
نعم جت مع الهبل دبل ههههه
جزيل شكري لك

مبدع يابو سعد
مواضيعك في هذا القسم شيقه

اقتباس:

---

المشاركة الأصلية كتبت بواسطة رشيد البلوي

مبدع يابو سعد
مواضيعك في هذا القسم شيقه

---

ما عليك زود يا ابو سامي
الف شكر
بارك الله فيك

الله يعطيك العافيه اخوي بجد قصه مضحكه وجميله جداا
لكن بزمن ذا

قامو يتطرقوون الى اشياء اخرى :eek: علشان الشيخه:rolleyes:

نسال الله العافيه و السلامه:|for you|: :|for you|: :|for you|:

اقتباس:

---

المشاركة الأصلية كتبت بواسطة علم غرورك عزتي مالها حد

الله يعطيك العافيه اخوي بجد قصه مضحكه وجميله جداا
لكن بزمن ذا

قامو يتطرقوون الى اشياء اخرى :eek: علشان الشيخه:rolleyes:

نسال الله العافيه و السلامه:|for you|: :|for you|: :|for you|:

---

نعم صحيح كثير ممن يطالبون في الشيخة
قاموا يتطرقون الى اشياء كثيرة
ويعادون بعض..؟؟
جزيل شكري وتقديري لكم
اجمل تحياتي