ياجهينــه - باقـة ورد - بمناسبة مهرجان البديع الثاني

بــاقــــة ورد

ان بديت الشعر بأسم الله ابدا واستعين = واعتصم بالله من شر شيطان إعملي
اتحرى ورد الافكار بالجزل الثمين = و انتقي من سبّق ابكارها ماجاز لي
ياسلام الله على الحفل واللي حاضرين = ردة من غاية الطيب معناها ملي
جيت اقدم باقة الورد عند الطيبين = ياعسى جهدي لهم بالنجاح مكللي
جابني داعي جهينه هل العلم اليقين = والتحايا من جنابي ومن ربعي بلي
اتشرف في وقوفي امام الغانمين = وانتبه 0 ياحاضر القول واسمع مــايلـي
ياجهنه تو شعري بطاريكم يزين = والمشاعر من قراح المشارب تنهلي
ياجهينه مدحكم فيه مكسب حاجتين = اتباع المصطفى والرعيل الاولـي
والله ان الجود فيكم على الساس المكين = والمكارم كل يومٍ تزود وتعتلي
والشجاعه بالمواليد ورث الاولين = والخلايا في نواها معادن تصطلي
ماتغير طيّب الاصل جينٍ بعد جين = عامل الجينات فيكم صفاته تتلـي
قالها اللي عاش بجواركم عدة سنين = شاهدٍ بالحق والصدق في خبر الولي
والقبايل والنعم حاضرين وغايبين = كل قومٍ عن حماها ترد العيّـلي
تمت وهذي علوم عساكم سالمين = ياعسى علمي مع الغانمين إجمليـي

صح لسانك ولاهنت يالغلا

صح السانك شاعرنا

صح لسانك يابن قيضي ولاهي غريبه تجمل ربعك وجهينه يستاهلون وهم ايضً ربعنا لو كان الرجل يتعصى بعصاتين لكانت جهينه عصانا الثانيه وان كان بعصى واحده فهم الطرف الاخر سليمان الجبيل

الله الله

صح لسانك أستاذنا الغالي

وعز الله إنك تبيض الوجه وكل حرف منك فخر لنا





:|for you|:

ودي و تقديري

اخي الغالي سعود السحيمي

حياك الله ولك الشكر والتقدير

مقرن البلوي

حياك الله اخي الغالي

صح لسانك على هالقصيدة الرائعه......

الشاعر الاخ الغالي سليمان الجبيل

الف هلا ومرحبا حياك الله واشكرك على حضورك لراقي

وتقبل سلامي

جيت اقدم باقة الـورد عنـد الطيبيـن

ياعسى جهدي لهـم بالنجـاح مكللـي


جابني داعي جهينه هل العلـم اليقيـن

والتحايا من جنابي ومن ربعـي بلـي




كفو كفو يابو كرم صح لسانك

صــــح لـــســــانــــك........