خليف بن سالم زبون المعامــــيل

هذه القصيده مهداه لاحدى ابرز رجالات قبايل بلي العميد خليف سالم بن رويحل البلوي لمواقفه المشرفه والمعروفه للقاصي والداني00000

للمدح ناس وللجمايل رجاجيــل
وللخير رحمة ربنا وبركاتـــــــــــه

وللطيب ناس وللهقاوي قناديــــل
ترسم على صدر الزمن بيناتــه

وللجود بوجيه النشامـا معاديـــل
وابن رويحل حاشهن في حياتــــه

خليف ابن سالم زبون المعامــــيل
ابو وليد اللي قليل بصفاتـــــــــــه

يستاهل الدله وكيف الفناجيـــــــل
والمبخره والعود الاصلي زكاتــه

ويستاهل الجزلات من يذبح الحِيل
وقولت نعم في دنيتـه وبمماتــــه

حاش المراجل والمرااجل محاصيل
كسب بيمنى والمراجل هواتـــه

ذكره يشيله جيل ويورثـه جيـــــل
ولاحدن نسي يوم القياده اسواتـه

لقيت ذكره مع هل الجيش والخيل
كلاً يقول خليف ومذكراتــــــــه

ولقيت ذكره مع هل السيف والهيل
ولاحدن يسب خليف بمداخلاته

نخوه ويطلع للوفاء طلعت سهــيل
من خلقتــه محدن حصى طيباته

كفـه عطاء ماهـو على المده بخيل
ماشــح في جاهـه وماله وشاته

لاجـاه من صكت عليــه المحابيـل
ياقف معه لو راس ماله عباتـــه

ماهمته دنياه لوهـي غـــرابيــــل
ولايلحق الفايت هروج الشماته

ماهو بحال الشد والحط والشيل
هااامه وتحك اللالسنه منجزاتـــه

ذكره يشد الراس ويقـرر الكيــــل
وان قالوا المخلوق وده وهاتـــه

عندي على ماقلت شاهد وتعليل
هذي براهيينه وهـذا اثبــاتـــــــه

هذا هو الموجـز وباق التفاصــيل
مال الحديث الا سنايد رواتــه

يالله عسى باقي حياته تساهيل
ويسلم من احداث الزمان وشتاته

# الشاعر/ عبدالكريم الصويدر البلوي#

والنعم بالممدوح والمادح
من يفعل الطيب لابد أن يذكر بالطيب

شكراً ياسعود

صح اللسان الشاعرالقدير / عبدالكريم البلوي ..

وسبعة أنعام في ابو وليد وهو رجل غني عن التعريف

ذكره يرفع الرأس بين جميع القبائل وليس قبيلة بلي فقط

يعطيك الصحة والعافية

ياسعود بن مظهر-- لقد اتحفتنا بهذه القصيدة ..

يالله عسى باقي حياته تساهيل
ويسلم من احداث الزمان وشتاته

صح لسان الشاعر عبددالكريم ويستاهل العميد خليف سالم بن رويحل البلوي المدح والتكريم

صح لسان من قال الابيات
من يفعل الطيب يستاهل الطيب
قال الشاعر
من يفعل الخيرﻻيعدم جوازيه
ﻻيذهب العرف بين الله والناس

يستاهل العميد خليف وشكرا للشاعر ولك سعود

صح لسان شاعرها
وسلمت اخي سعود على النقل
وتقبل حبي وتقديري

صح لسان الشاعر


ابو وليد يستاهل الكثير والكثير من التكريم

سعود يعطيك العافيه علي النقل

صح لسانك الشاعر عبدالكريم
الكريم بشعره لكل من يستحق الطيب
ويستاهل خليف بن رويحل..

وشكرآ لكل من وضع له بصمه هنا..