وان باعوا الشيمة بدينار وريال .. حنا دخلنا سوقها واشترينا

يقول الشاعر /الامير محمد السديري

إن صار زود المال بيدين الانذال .. حنا من المعروف تندا يدينا
وان كانهم شرهوا على طيب الافعال .. حنا وردنا جمامها وارتوينا
وان فكروا للجود يمشون رحال .. حنا قبل يمشون يمه خطينا
يا ما لبسنا للشرف كل سربال.. وعلى البسيطة للفضيلة مشينا
في دوحة العربا لنا مجد وظلال .. وحنا على در المكارم غذينا
لو نجمع اللي فات منا من المال .. إن كان شيدنا القصور وبنينا
نعطي ولا نتبع عطانا بالاقوال .. ونبذل ونسكت كننا ما عطينا
وان باعوا الشيمة بدينار وريال .. حنا دخلنا سوقها واشترينا
نطلع لها لو هي على روس الاقذال .. لو هو عسير دربها ما انثنينا
بافعالنا نرسم دروب للاجيال .. إلي نساها غيرنا ما نسينا
أسود سادات تسجل للاشبال .. فضايل شمنا لها واهتدينا
بيض نسجلهن جديدات وسمال .. حفايظ لاحفادنا اللاحقينا
نصبر على الشدات لو شيلنا مال.. لو سال دم دفوفنا ما شكينا
نخاف يلقى سدنا كل ختال .. ويبني هزيلات المعاني علينا
الليل يا خالد على والدك طال .. وهنيت ناس بالكرا نايمينا
يا عز راسي شفت ما خبث البال .. شي يهول شيب الجاهلينا
شي من اسبابه يشيب بالاطفال .. فطر خشوم مهجرعات الحنينا
أدير قالات عريضات وطوال.. قالات خلن المخفى يبينا
منهن رزين العقل بالوقت يهتال .. بوقت عبوس فطن الغافلينا
وقت من اسبابه شكى كل ريبال .. نصبر ونسكت كننا غايبينا
الناس بالأيام راحل ونزال .. وتفجعهم الدنيا وهم دالهينا
وحيات رب نزل آيات الانفال .. عالم خفايا نية الحاقدينا
ما اترك طريق العدل في كل الاحوال .. لو يرحل المريخ للفرقدينا

صح لسان الشاعرمحمدالسديري
ويعطيك العافية على النقل

الناس بالأيام راحل ونزال .. وتفجعهم الدنيا وهم دالهينا

--------------------------------------------

الله يرحم الشاعر الامير / محمد بن احمد السديري

ويعطيك العافية اخي / مسند بن دعيس

على نقل هذه القصيدة الرائعة ..

اقتباس:

---

المشاركة الأصلية كتبت بواسطة محمدسليمان البلوي

صح لسان الشاعرمحمدالسديري
ويعطيك العافية على النقل

---

صح بدنك والله يعافيك
وشكرا على مرورك الرائغ

اقتباس:

---

المشاركة الأصلية كتبت بواسطة علي محمد ابوذراع

الناس بالأيام راحل ونزال .. وتفجعهم الدنيا وهم دالهينا

--------------------------------------------

الله يرحم الشاعر الامير / محمد بن احمد السديري

ويعطيك العافية اخي / مسند بن دعيس

على نقل هذه القصيدة الرائعة ..

---

الله يجزاك خير ويسلمك
والرائع مرورك الجميل اخوي علي

:|for you|:
لو نجمع اللي فات منا من المال .. إن كان شيدنا القصور وبنينا
نعطي ولا نتبع عطانا بالاقوال .. ونبذل ونسكت كننا ما عطينا
وان باعوا الشيمة بدينار وريال .. حنا دخلنا سوقها واشترينا

صح لسانك اخوي مسند و رحم الله شاعرنا الكبير الامير:|for you|:محمد احمد السديري:|for you|:

اقتباس:

---

المشاركة الأصلية كتبت بواسطة م. أحمد بن حسن البلوي

:|for you|:
لو نجمع اللي فات منا من المال .. إن كان شيدنا القصور وبنينا
نعطي ولا نتبع عطانا بالاقوال .. ونبذل ونسكت كننا ما عطينا
وان باعوا الشيمة بدينار وريال .. حنا دخلنا سوقها واشترينا

صح لسانك اخوي مسند و رحم الله شاعرنا الكبير الامير:|for you|:محمد احمد السديري:|for you|:

---

صح بدنك ابو فيصل ولا عدمنا مرورك الراقي