قرأت لك :::
هل لمثل هذه النصايح تأثير على الجيل الصاعد؟؟؟ نرجو التفاعل
اسمــع مــن المنطــوق شيٍ يســرّك
وابعـــد عن الهــرج الــردي لاتحلاّه
والـلــي يمـــر النّـــاس لازم يمـــرّك
مــن زيــن والا شـــين لابــد تلــــقاه
دنـــيا المظــاهـــر انتـــــبه لاتـــغرّك
كـم واحــدٍ مبــلـي وكـــم واحـدٍ تـاه
وكم واحـــدٍ في هرجـته لك يــسـرّك
وكــم واحـــدٍ هــرجـه قلـــيلٍ حلايـاه
والصاحب اللـي للمـشـــاكل يجـرّك
ابـعــد عـــن دروبه وخــله لـممــشاه
وجــنب عـن العـالم بخيــرك وشــرّك
خص السفيه إن ضايقك لاتحـــداه
واذا بغيـــت الشــور واللـي يـبـــرّك
شاور سديد الراي واحـذر تعــــداه
واعرف صديقــك يوم تعـطيه سـرّك
واحذرمن اللي لاسـمع سرك افشاه
ترى الزمـــن يقلب علـــيك ويضـرّك
وكـلٍ عـــلـى رايـه وكيــفـه ومشــهاه.
الثانية:::
دنياك لو تسوى من الحــزن ذره
ما كان تاليها توابيت وقبور
العمر يمضي بين حلوه ومـــــــــره
والموت حق وقابض الروح مأمور
دام الحياه الفانية مستقــــــــــــره
ورزقك يجيك وبين الأجواد مستور
لا تنشغل بالوقت برده وحـــــــــره
واحذر تصير بقسمة الناس مقهور
وحكم القدر لاجاك خيره وشــــــره
أشكر عظيم الشان والذنب مغفـور
أطلق خيالك وأترك النفس حـــــره
وخل الطبيعه في حياتك لهـا دور
وبالليل لا بانت نجوم المجــــــــــره
أذكر بديع الخلق بحساس وشعور
واسجد لرب الكون مره ومــــــــره
وأحفظ لسانك وأترك الكذب والزور
وفروض ربك خلها مستمـــــــــــره
وطاعتك لا يدخل بها نقص وقصور
Sent from my GT-N7000 using منتدى قبيلة بلي الرسمي mobile app
