هذه القصيدة تخليداً لبطولات شهداءالوطن الابطال
وعلى رأسهم سعادة العميد/عودة بن معوض البلوي
الذي استشهد وهو في ميدان الشرف
يدافع عن امن هذا الوطن وولاة امره وشعبه الكريم
( الشجـــاعــة )
ارقد قرير العين ياعـوده ارتـاح
جتلك بلا موعد ونلت الشـهادة
دون الوطن فاديت في عمــرك وراح
موتت شرف يابن معوض وعــبادة
مشيت بـرجـلـك على شخص ذبـــاح
معه اشتبكت بقو بأس وجـــلادة
فضلت دون الـدار نــزاع الأرواح
جندلت المجرم وسط ذيك الحمادة
ماطحت إلايـوم الـداعشي طـــاح
قـلبـك فـولاذ ولادخلبه شـرادة
انت الشجيع مسابقٍ علط الارمـاح
وسرالشجـاعـة فوق زمة شدادة
جيته مع الغبشةقبل فج الأصـباح
والمجرم الهابي بكامل عتاده
وطبيت وسط الناربأدغالاالأشبـاح
طبت صميدع ماتـزلـزل فـواده
قابلت الارهـاب مانرت نــــزاح
وجه لوجه والشر يقدح زناده
من لابةٍ تنزل طواريف الأبـــراح
اللي تستحق الذكر والأشادة
بلي هل النوهات والدرب ملـواح
خوف الخلا تدهل موارد بلاده
ونعمين ياسالم يوم معاونك طاح
ثبت ثبوت الجبل في مشاده
دافعت اليامى انهكتك الاجــراح
ماجيت للعابث بغاية امراده
قاومتلك ثنين والـدم نـــضّـاح
من فوق متنك ماتضبّه اضماده
عاداتكم للمعتدي كسرالاجـــناح
ومن فعلكم ذاق العناءوالأباده
يابن طعيسان الدارماعندهامزاح
واللي نواهابسوءتمزع اكباده
من دون حدالدار الموت الأذحـاح
مايدخله ياكود من جاءنفاده
واللي معاكم ذادفي كبح الاجماح
طارق ويحيى دون خوف وهواده
نفخربكم جميع ياطيور الأفـــلاح
وانتم حق الله محل الأشاده
الشاعر/فواز الذابل
