الله من علم كل درابه....

ب1


هذه قصيده وطنيه في رثاء خادم الحرمين الشريفين الملك : فهد-رحمه الله-
ومؤازره وريث عرشه ونائبه الثاني -حفظهما الله-

الله من علم كل درابه=دروا به القاصين قبل الموالين
ان الملك ودع وقف ركابه=ولافادنا كثر البكا والمعزين
والله لو انه يفيد العزابه=لاعن تجيه من التعازي ملايين
حكم وسلم ثم رموا ثيابه=ولبس ثياب اللي على الحق ماشين
ونزل بيت الحق يامرحبا به=يالله لعله في رياض الشهيدين
يالله يا منشي المطر من سحابه=تحط حسناته في أعلى الموازين
لأجله من الدنيا مجود زهابه=مجوده في خدمه الشعب والدين
داري عن الممشى وظارب حسابه=زود زهابه بالعطى للمساكين
اليوم قصر الحكم شدوا جنابه=ترحل سلاطين وتنزل سلاطين
والسيف عطاه اللي تولى نصابه=وعطاه عبدالله صعود المجانين
يذري اللي جا يدور الذرى به=والشعب يمشي له على العسرواللين
ورمحه على العدوان عطب صوابه=دواه غادي مالقوه المداوين
والنايب الأول وقف في جنابه=سلطان ليا شانت نفوس الخبيثين
يمشون على ممشى النبي والصحابه=وخدام لبيوت الحرم والملبين..
=

الشاعر:فـهـيــد بـن مـوســى الـــزبـــنـــي ,.,





تقبلوا تحياتـــــي ,.,.,

أبـــو ربشــــــه ..

صح لسانك ولسان الشاعــــــر .. فهيد الزبني

ولاعدمنا وهجك أيها المغرد ..

عزيزي .. نحن بأنتظار أبداعاتكم فلاتبخلو علينا بما هو لديكم

أطيب الـمُــنــى ،،

سلمان العرادي

أبوربشه
.
.
.
.
رائعــــــــــه ..فسلمت يمينك ..وصح لسانكـــ ...

ولسان الشاعر ...فهيد الزبني

وننتظر المزيد من ابداعك..

لك مودتي وتقديري..

.
.
محبك..
محمود الجذلي

	ابو ربشه الف صح لسانك ولسان الشاعر الزبني وشكراً لك على حسن الاختيار وروعة النقل _____ اخوك عايد السميري http://www.arab-x.com/uploads/Jan-06/2e90a6e54f.gif

بارك الله فيك أبو ربشه

الله الله

صح السان الشااعر

وتسلم اناملك على النقل

تحيتي

شماليه وفتخر

صح لسانك ولسان الشاعر والله يغفر له ويرحمه

سلمان العرادي,,
صح بدنك, وشاكر مرورك المتألق!

:|for you|: :|for you|: :|for you|:

محمود الجذلي,,
صح بدنك,والله لايهينك!

.
.
.

عايد السميري,

صح بدنك,والله يعطيك العافيه!




.

نواف عواد البلوي,

الله يعطيك العافيه,ولاتحرمنا من مرورك الرائع,.,



تقبل تحياتي,.,

شماليه وفتخر,

صح بدنك,
وشاكر لك مرورك العذب,.,


عبداللطيف الزبني,.,

عايش سالم البلوي,

صح بدنك,والله يجزاك خير,


تقبل تحياتــي,.,