قصيده للامام تركي راعي الاجرب

الإمـام تركـي بـن عـبـدالله

(راعي الأجرب) والاجرب هوسيفه

وهذه قصيده له تعتبر من شيخات القصيد

طارالكرى عن موق عينـي وفـرّا=وفزيت من نومي طرالي طـواري
وابديت من جاش الحشـا ماتـدرّا=واسهرت من حولي بكثر الهـذاري
خـط ٍ لفانـي زاد قلبـي بـحـرّا=من شاكي ٍ ضيم النيـا والعـزاري
سر ياقلم وإكتـب علـى ماتـورّا=أزكي سلام لإبن عمـي مشـاري
شيّخ ٍعلى درب الشجاعـة مضـرّا=من لابة ٍ يـوم الملاقـا ضـواري
ياما سهرنـا حاكـم ٍ مـا يطـرّا=واليوم دنياً ضاع فيهـا افتكـاري
أشكي لمن يبكي له الجـود طـرّا=ضـرّاب هامـات العـدا مايـداري
احيـف ياخطوالشجـاع المضـرّا=في مصر مملوكٍ لحمـر العتـاري
من الزاد غادٍ لـه سنـامٍ وصـرّا=من الذل شبعان ٍمـن العزعـاري
وش عاد لوتلبـس حريـرٍ يجـرّا=ومتوّج ٍ تـاج الذهـب بالـزراري
فـدنياك يابن العـم هـذي مغـرّا=ولاخير في دنيا تـورّي العـزاري
سقيـك حلـو ٍثـم تسقيـك مـرّا=ولذ اتهـا بيـن البرايـا عـواري
إكفـخ بجنحـان السعـد لاتــدرّا=فا لعمر ما ياقـاه كثـر المـداري
مافـي يدالمخلـوق نفـع ٍوضـرّا=ما قدر الباري على العبـد جـاري
وإسلم وسلم لي على مـن تـورّا=وأذكر لهم حالي وماكـان جـاري
ن سايلـوا عنـي فحالـي تسـرّا=قبقب شراع العز لـو كنـت داري
يوم إن كـل ٍ مـن خويـه تبـرّا=حطيت (الأجرب) لي عميل ٍ مباري
نعم الرفيق إلـى سطـا ثـم جـرّا=يودع مناعيـر النشامـى حبـاري
رميـت عنـي برقـع الـذل بـرّا=ولاخير في من لايدوس المحـاري
يبقى الفخـر وأنـا بقبـري معـرّا=وأفعال تركي مثل شمس النهـاري
أحصنت نجدعقـب ماهـي تطـرّا=مصيونة ٍ عن حر لفح الضـواري
ونزلتهـا غصـبٍ بخيـر ٍوشّـرا=وجمعت شمل ٍ بالقرايـا و قـاري
والشـرع فيهاقدمشـى واستمـرّا=ويقرا بنا درس الضحى كل قـاري
وإن سلت عمن قـال لـي لاتـزرّا=نجد ٍ غدت بـاب ٍ بليـا سـواري
ما سلت عن من قال لي ما تـدرا=حطيت الاجرب لي صديق(ن) مباري
ومن آمن الجانـي كفـى ماتحـرّا=وتازي حريمـة بالقرايـا وقـاري
واجهدت في طلب العلا ليـن قـرّا=وطاب الكرى مع لابسات الخزاري
من غاص غبات البحـر جـاب درّا=ويحمد مصابيح السرى كل سـاري
وأنا احمد اللي جاب لـي ماتحـرّا=واذهب غبار الذل عنـي وطـاري
والعمـر مـايـزداد مثـقـال ذرّا=عمر الفتى والرزق في كف بـاري
وصلاه ربـي عـد ماخـط بالـرّا=على النبي ماطاف بالبيـت عـاري

يعطيك العافيه اخوي يعرب
ولكن في روايه ان الاجرب كان لقب احد اخوياه الشجعان

وإن سلـت عـمـن قــال لــي لاتــزرّا=نـجـد ٍ غــدت بــاب ٍ بـلـيـا ســـواري
ما سلت عن مـن قـال لـي مـا تـدرا=حطيت الاجرب لي صديق(ن) مباري
ومـن آمــن الجـانـي كـفـى ماتـحـرّا=وتـــازي حـريـمـة بالـقـرايـا وقــــاري

مستشارنا الفاضل قاسم القويعاني
يعطيك العافيه وشكرا على المرور
والله انت ابخص (اعرف)
لكن الاجرب هو سيف الامام تركي على ذمة الراوي فواز الغسلان ومن خلال القصيده يتبين لنا انها سيفه
وبالمناسبه القصيده موجهه لابن عمه مشاري والذي عاد الى نجد بعد هذه القصيده بعد ان كان يعمل ضابطا في الجيش المصري
شكرا مره اخرى

الغالي @ يعرب .

اختيااااار موفق .

اخــوي :
يا وي فنجال على الكبد محلاه ..... لو ان اخو جملا على جال نارك

ممكن اعرف من قائل البيت اللي في الاعلى .؟؟

وهل هي من القصائد التي قيلت في الفارس المشهور :

عميـــد بن فهـــده
واخيـــه
علي بن افهده رحمهم الله ؟؟

ممكن افادتي على الايميل لو تكرمت ..؟!

الاخ يعرب
هذة القصيدة من عيون الشعر وقد ارسلها الامام الى ابن عمه مشاري بن عبد الرحمن ال سعود
ســر ياقـلـم وإكـتـب عـلـى مـاتــورّا
أزكـي سـلام لإبـن عمـي مشـاري
والاجرب هو سيفه ( على الراجح )
كما ان مشاري بن عبدالرحمن (المسندة اليه القصيدة ) قتل ابن عمه الامام تركي بن عبدالله صاحب القصيدة بعد عودته من مصر .

اخي الكريم غازي
شكرا على مرورك الكريم
بخصوص القائل والله ما اعرفه لكن البيت اسمع جدي دائما يذكره ويتمثل فيه
انشاء الله يوم او يومين واجيب لك برنت عنه

ابو فالح شكرا على مرورك الكريم واثرائك ا لموضوع
وكما ذكرت ان مشاري قام بقتل الامام تركي بعدما ذهب فيصل ابن الامام تركي للغزو وقد علم الامام فيصل بن تركي بمقتل ابيه واراد الرجوع الى الرياض لكن ابن رشيد اشار عليه بكتمان الخبر عن الجيش مدة ثلاثة ايام وطلب ابن رشيد من الامام فيصل ثلاثين فارس يذهبوا معه لقتل مشاري واستعادة الرياض منه الا ان الثلاثين لم يتبقى منهم احد عن اقترابهم من الرياض ولم يبقى الا عبد ابن رشيد وبعده قام ابن رشيد وعبده بالتسلل الى القصر المتواجد فيه مشاري وقاموا بالدخول الى غرفته وهو نائم وحدث صدام عنيف بين ابن رشيد وعبده ومشاري ومعه عبد كان حارسا له وبعد وقت استطاع عبد ابن رشيد قتل عبد مشاري ثم قام بقتل مشاري وبعدها تولى الحكم فيصل بن تركي الحكم ونصب ابن رشيد حاكما على حائل( وفي روايه ان الاجرب هو ابن رشيد ) لكن اعتقد انها غير صحيحه

الغالي

يعرب

هلا بك نورت صفحات منتدى الشعر الشعبي
شكراً لك
على نقل هذه الرائعه والتي بالفعل تعتبر من
نوادر القصيد
وللمعلوميه الذي قتل هو ( مشاري )
لحيث انه كان هارب من الجزيره وعندما وصلته
القصيده . والقصيده توجد بها شفرات خاصه
توهم مشاري بالأمان وهذا ما جعله يعود ومن ثم قتل
والله اعلم .
تقبل احترامي وخالص مودتي
واسف على التأخير
______
اخوك
عايد السميري

يعــــــــــرب ..

لاهنت يادم قلبي لاتحافنا بهذهـ الروائع ..

سلمان العرادي

الغالي عايد السميري
منوره بوجودك وشكرا على مرورك


الغالي
سلمان العرادي
لك الشكر على مرورك الكريم

يعرب
شكرا لك لاتحافنا بهذه القصيدة
التي تعتبر من عيون الشعر الشعبي
وحسب معلوماتي ان الاجرب هو سيف الامام تركي
ويوجد غار قرب جنوب الرياض ييسمى غار تركي
وقد قتله مشاري المذكور بالقصيدة بعد عودته من مصر
وقام بن رشيد بقتل مشاري بعد ان تسلق القصر ومعه العبد
وكان مشاري نائم عند زوجته

الشاعر المبدع زيدان
شكرا على مررك الكريم
للمعلميه زوجة مشاري هي بنت الامام تركي

وتراك وعدتني بان تكتب قصص ومعارك جدك زيدان الهرفي........

يعرب
المتألق
دائما ً في سماء الشعر في
منتدى بلي
يجب ان اشكرك
شكرا جزيلا لك
لما نرى من جهود لك واسهامات انا اعرفها في هذا المنتدى
والدليل هذه الجزله للإمام تركي طيب الله ثراه
شكرا يايعرب
مبارك خليف العصباني

لله دركَ يا يعرب

دوماً وأبداً رائع بكل ماتطرحه

فـــ سلمت يمينك

ولا عدمنا هذا الابداع

محمود الجذلي

شاعرنا الغايب
ابو وجدان
يعطيك العافيه وشاكرا لك مرورك
الغالي / محمود
الف شكرا على المرور الكريم

بندر المساوي


الف شكر لك على نقل هذه الرائعه

ويشهد الله انني كنت ناوي انقلها من مجله عندي
لكونها رائعه
وجزله بمعنى الكلمه


وعلماً انني لي تواجد ورد سابق هنا ولكن جل من لا ينسى



ترفع

مع الشكر لناقلها