(( ( أهلهـــــــــــــــــا من العيــــــــــــــــن...؟؟!! ) ))
تقــــــول ماحبك ...وأنا أقــــــول تكفين...!!
..........أخـــــــاف منهــا لـــوهــــا مــازحتنـــــــــي
أدري بهـــا تمـــزح...وهـــــي قصدهــا زين
..........لكنهــــا فـــي ذا الحـــــــــروف ذبحتــــــني
أشـــوفهـــا بعينـــــي...وهـــــي داخل العين
..........وأضمهــا بالقلـــــــب مــالامستنـــــــي...!!
كــلٍ يقــــول مــن الهــــوى فيه جــــــرحين
..........وأكــــــذب عليهـــا لو أقــــول جــــــرحتني
بالعكــس...تعطينــي مـن الشــوق...واللين
..........ولــو أطلــب الخفــاق منهــــــا عطتنـــــــي
وإن قلت عن عشقي عسى بس تـدرين...؟!
..........تقــــول ...عـــادي...والمهــــم عشقتنـــــي
فيها القمـــــر والشمــس صــاروا مجـــانين
..........فتنـــــوا بهــــا ... ثــم إلتـــوت وفتنتنـــــي
فيها خلــود العشـــق...والملـــح...والــــزين
..........أمشـــي وأشــــوف فـــراقهــا يــوم حتنــــي
وإن قلـــــت أنا مشتـــاق تقــــول...ممـــدين
..........مـــن شفتهـــــا لليـــوم مـــاواعــــــدتنـــــي
تضحــك وأنا قلبــــي علــــى حــــــــد سكين
..........لاهيــب شالتهـــا...ولاهـــــــي جــــــرحتني
وإن قلــت عينـــــي غمضـت قالت أهلين..!
..........وعضت غضيض شفــــاههــــا وزاعـلتنـــي
أهــــديتها خــــــاتم علـــــى كفهـــا الـــزين
..........وقــــــــالت لبوهـــا عنــه ثـــم فضحتنـــــي
لاكلـمتنــــي تنتثــــــــر دمعـــــــــة الـــعيــن
..........يانعــن أبوهـــا هـــو صحيح عشقتنــي...؟!
هــــي تسكــــن بعينـــي وأهلهــــا من العين
..........والعـــــــــــــام زارتهــــم ولاوادعتنــــــــــي
ومــــرت علـيّ شهور مدري علـى وين...؟!
..........هـــــي سافـــرت وإلا بغيري نستنـــــي...؟!
ومـــن بعـــــد تسع شهـــــور وأظـن يومين
..........دقــت علــــى بخطهــــــــــا وكــلمتنـــــــــي
قالـــت أنا بلنــــــدن وأبا أشـــــوفـك الحيـن
..........يانعــــن أبوهــــا صـــدق...وشـــوي جتني
وحبيتهـــا مــــــــــع كفهـــــــــا بس ثنتيــن
..........وبغيت أطيح من الــــــــوله...ومسكتنــــــي
يانعـــــن أبو منهـــو نســى كـامل الــــــزين
..........ويانعـــــن أبوهـــا وجـــــــدها لــــونستنــي
لـــي فـــي حقــوق أهل الهـــوى عندها دين
..........وغـــــديت أنا المــــــــــديون مــادينتنـــــي
النــاس لامــــــــوني عليهــــــــا ومخطـــين
..........لــــوناظـــــروهـــا حبوا النـــاس متنـــــــي
مـــاضقت أنا منهــــــــم...ولاجيـت أنا شين
..........لكــــن ســــواليف الجهـــــــــــل ظـايقتنــي
( للشاعر: عبدالكريم المهنا)
