[قصيدة]^^ اقنب قنيب الذيب في راس صعفوق ^^
اقنب قنيب الذيب براس صعفوق= اليا قنب ياسعود فوق الركية
اليا صفق ضلعيه براس مطروق = يسهر اعيون اللي يريد العشية
ريش النعام اللي فرشتوه محروق= مدة اوغطه للنفوس الدنية
الراس ماتشريه في شعر مسروق = بسوق النخاسة ماعرضته هدية
والراس فوقك فوق من فوق من فوق من فوق من فوق لك عوق = غصبن على شامان وبنت العبية
ياسعود لاحت لي مراعيد وبروق = ياعلها تسقيه جال الثنية
سحبن عنيدة والهماليل بنسوق = يالله يحف السيل حد الدحية
اذا انكسن البيد خضرة اوغشروق =واحمومرت مثل الشفق بالمسية
يلعب بها لعب الحوير ورى النوق = خله تبين انوار ظوه او ظيه
خل العقود اتحاكي الشمس باشروق = فوق النهود المترفات الشهية
ياغدفته مري عليهن برفوق = لاتجرحينه داعبيهن اشوية
لاتنزلي عنقه ولا ترتقي فوق = يظهر بهاه او مركز الجاذبية
طل العرق ممكن جعل فيه نمشوق = من ذوب دهن العود لازال فيه
الله واكبر لانظرني في الموق = اعبر ابحورامواجها سرمدية
كن انسف بي للثريا على فوق= فوق المجره والنجوم المضية
وافوق كني منهبل حس طاروق= واذوب ذوب الملح في كاس مية
اذوب بانفاسه مثل ذوب مسحوق = ذوب الشموع اللي صلتها صلية
والله ثم والله ان هزني شوق = شوقن جعل مبات عيني خطية
شوقن جعلني شاحبن مثل رقروق = اموت واحيا فيك غالي علية
كرمت تكرم ياحبيبي عن البوق = لك موقعن بلنايفات القصية
الله عطاك الزين والعرف والعقل والذوق= مثل الوساع اللي حمتهاحمية
وينك حبيبي يابعد كل مخلوق = ياسلوتي لاضاقت النفس بية
ارسل حياتي ذبت ذوبني الشوق = صورة برسم اشفاك والا تحية
