يا نجد رزي بالسما اعلامك السود ..
يانجد رزي بالسما اعلامك السود=على العقاب اللي على الهوج مسراه
فهد بن عبدالعزيز ال سعود=سيد الديار اللي لهم عزن اوجاه
اعقابن اشقر على هايج النود=صعبن على كل المخاليق مرقاه
للشعب امامن اولعداه لادود=مبين كل الكون اقصاه وادناه
تلعات سدلات العماهيج ياكود=مع الدهر ينجبن مثله اوشرواه
لا صار في جو السما عطر بارود=عز الله ان البيض مثله تمناه
لاصار غيمة بالنظر وفق محدود=عزالله ان له نظرتن تاصل امناه
لا هب حول المملكة هوجن اوكود=يامى لهيبن شب لهاب واطفاه
مرحوم يامن لك مواثيق وعهود=عسى اجنان الخلد بيته اوملفاه
شيهان النود
غازي بن معيصير الميهوبي البلوي
