صحيح اللي تقولينه يصدق من وطى الجمره = تجف بحور عينن من كثر مادمعها هملول
على سنينن على عمر(ن) مضى صار الوفاء ندره = وعز اليوم راع الصدق والكاذب يصول ايجول
وصار القلب والله ياغزل ماينفعه صبره = شكى من ناس يسقى كاس علقم لو صبر ماينول
مراده ياغزل واللي جرى له يزعجه ذكره = خلق ربي لنا النسيان واجروح الزمان اتزول
وكم جربت انا يابنت عندي بالملا خبره = ترى عند السحيمي من تجاريب الزمان حلول
انا احترت بزماني والبشر وآخذت لي عبره = من الماضي من الحاضر ولا انظر للذي مأمول
يجي والا يروح اليوم وان طول يجي بكره = اعيش بحاضري وانساه لو بالقلب منه حمول
وكلا له امل واحلام في وقته وله نظره = بدنياه وسنينه والتكيف غصب والمعمول
بقانون الحياه البيع والشراي للعشره = ولوصارت صفا دايم نمل ونختلف ونقول
رتيبه هالحياه بطبعها باللين والعسره = شكينا بالعسر منها وملينا من المعسول
طبع فينا وكلا له بطبعه ياغزل عذره = وناس اجناس والله عالما بالخلق يامجمول
يجي لك بالوفاء راع الوفاء مايقبل الغدره = لونه زل يتعذر بعذ ر(ن) صادق (ن) مقبول
وراع البوق مايافي وهم بالمجتمع كثره = على قدر المصالح دمعهم يجري على المقتول
لاشك اردد اللي قلته اول بالملا فطره = جعل ربي لنا النسيان وجروح الزمان تزول
