(من الدرر)اربع امنيات للشاعر/سالم بن صامل الوثر
بسم الله الرحمن الرحيم
استمعت للشاعر /سالم بن صامل الوثر رحمه الله وهو يقدم لهذة القصيدة بقوله: (وانا شب (شاب) واتعلم
للقصيد قالوا هناك قافية جديدة صعبه وهي قافية اريا فانشد هذه القصيدة كرد واثبات لشاعريتة المبكرة اليكم هذة الدرة
بديت في رجم(ن) هذا زين مبناه=وبيّحت من عيني كثير العبريا
وقمت امتني كاد انها بالمنااه=الفين مائه كل غرة شهريا
ودي اسويهن على كيف مشهاه=ماني مسويهن حلال وتجريا
ابني بهن بيت(ن) هذا زين مبناه=مذراه لاهبت هبوب المطريا
واحط به اربع دلال(ن) ومصفاه=ومبهرات(ن) من علو البهريا
وسميدر(ن) لادن حسه لمن جاه=مثل المنبه يوم حس الخطريا
والثانية خطو الهنوف المخِباه=عنق الغزال اللي عطف عقب جريا
والثالثه خطو الردوم المعفاه=وقم السدس من قاطعات الديريا
وان لقوا اهل الجيش مع درب مضماه=تورد العد القراح الغزريا
والرابعه من ثوبها عود دباه=مابان بين سروجها مانشريا
وعيالها صوغ المهندس يبيمناه=وتكج حمر(ن) يكسرن الجبريا
المرحوم الشاعر/سالم بن صامل الوثر العرادي البلوي
