عيون الغرام تغشنا ما تقدي!
أنا البارحة دمعي سكب فوق خدي= دموعي على خدي سيولاً تجارف
وقلبي يجيب من العنا ما يودي = حسايف على ألعشره كثير الحسا يف
عيون الغرام تغشنا ما تقدي= تشوف القريب ولا تشوف الطوارف
دموعي عليك مبّيحه كل سدي = وتطري عليه في جميع المواقف
لك العذر واظنّي تجاوزت حّدي= ويمين الله العالي لك العذر وآسف
أنا اللي على شانك قبلت التحّدِي= جلس من جلس وأنا مع الحق واقف
وأنا اللي عشانك زاد جزري ومّدي= وسدّيت أذاني عن جميع السوالف
أنا ازعل ولكن ربع ساعة واهّدي= شعور ألوفا دايم حقيقي وجارف
سحابة زعل تبغى تمر وتعّدي=سحابة ومرت وأنت داري وعارف
علامك مع الأيام والناس ضدي=بدل ما التجي لك صرت أنا منك خايف
تذكّر تعب رجلي وهمي وكدي= تذكر سوالفنا وحنا ولايف
لو الأمر في كيفي لو الود ودّي= اعافك مثل ما حضرتك صرت عايف
[/poem]
