نــــصــــــــيــحـــــــــــــــه
يازيد لني مت مفتيك برياك=انت العوض وانت البقيه بروحي
لاتعطي المخلوق سدك ومنواك= خلك كما سداطويلا لموحي
واوصيك لاتصبر على الظيم لاجاك= لاتصير للمخطي عليكم دموحي
وزلت رفيقك خلها لو تمثناك=تسعين زله للرفاقه سموحي
لاتغارم اللي مامشى درب ممشاك=غرم الرفاقه مايداوالجروحي
لابد لوانك بعيد ايتطراك= ان اصبحت من ضد الاعدا لقوحي
واحذر تغاضا الجار لونه تغاضاك=خلك لجارك مثل در المسوحي
اليامشىجارك على البيت وصاك=ارخ النظرللعايله والسروحي
لابدعنهم ناحي البعد ينحاك =والصبرميزانه لجارك رجوحي
والضيف لنه جاءتغطيه بغطاك=خلك ودودا له بقلبِ نصوحي
والرزق عند اللي عرف عدة اخطاك=اللي لينه مدماهو شحوحي
البخل مازودبعمرك ودنياك=والجود عند مدورين المدوحي
واللاش لاتدعيه قيم لعذراك=لاتعطي العذرا خطات الدلوحي
لونه رفيقك تالي الوقت ينساك=يخطي فقوده يوم راحت طموحي
يلهدك ولاّيدعي اللوم ياطاك=ليت السلامه دون هاك الربوحي
سليمان الوحيشي
رد: نــــصــــــــيــحـــــــــــــــه
ابو سليمـــان
صح لسانك
ورحم الله ابوك
وانشهد انه نعم الرجل
والنصيحة تـقـدر بثمن
السكنه الله فسيح جناته
رد: نــــصــــــــيــحـــــــــــــــه
اخي عبد الله
تسلم وصح لسان والدكم
وتقبل مروري 0 وفقك الله
رد: نــــصــــــــيــحـــــــــــــــه
اقتباس:
المشاركة الأصلية كتبت بواسطة ابن شبيث
ابو سليمـــان
صح لسانك
ورحم الله ابوك
وانشهد انه نعم الرجل
والنصيحة تـقـدر بثمن
السكنه الله فسيح جناته
حياك الله اخوي
عبدالله
والله يجزاك خير وماعليك زود
ورحم الله والدي ووالدك وجميع موتى المسلمين
