بسم الله الرحمن الرحيم
هــــــــــــذه قصيده لوالدي الشاعر:سليمان ابراهيم الوحيشي
يشكو فيها على اكبر ابنائه من (الشيب)<
يازيد يامشكاي شفت الغرابيل=الشيب عيبني وقصرحياتي
مالي جدى غيرالغنا والتماثيل= وعزتي للي جداه الشماتي
غبطت هدرامامضت له مفاعيل=من خلقته ماحصل النافلاتي
من عقب مانركب على الضمر الحيل= اليوم لني قمت قاضب عصاتي
يامارميناقاطعات الخلاخيل=ويامارقيناالشمخ النايفاتي
اليوم صادتني شبوك ومحابيل=ماأنيرالصادرمن الوارداتي
ماهمني يازيدخطوالازاويل= الالياجوفوقهن مقبلاتي
نفرح لياشفناوجيه الرجاجيل=وكم واحداقبلي يسوي سواتي
انقدم الدله وبيض الفناجيل= والرزق عندمطيرالحايماتي
نذبح من الجزلات ماهي دعاويل=فالقيض والافي ليالي المشاتي
وعقب العشاتلقى علوم وتعاليل=وسوالفا لين اول الليل فاتي
وصلاة ربي عدوبل الهماليل=على النبي عدالحصى والنباتي
