ياصديقي
.
.
والله إنك مرتفع في نظرتـي والشـك زايـل = وطيحة اللي مرتفع ياشينهـا واكبـر مصيبـه
وانت تدري ابلغ من السيف والرمح المثايـل = والزمـان يخيـب الهقـوه ولانعلـم بغيـبـه
دام بالترتيب حـط الاغبيـاء أهـم الأوايـل = ولاحدٍ راضـي ولحـدٍ شايـفٍ قـدره وعيبـه
والا أنا ياصاحبي يكفيني انـي مـن سلايـل = شايبٍ كل العلوم الطيبـه جـت مـن نصيبـه
عن دروبه لو يميـل الوقـت والله ماتمايـل = واسمه يشرف ويبشر بسعـده يـوم اعتزيبـه
وحلم مدري علم بالميدان واتعبـت الآصايـل = والبعيـده ياصديقـي صـارت بعينـي قريبـه
وانت اعدك سادس اخواني وخذ كل الدلايـل =كم وثقت وقلت لـك علـمٍ شقيقـي مادريبـه
لكـن انـك ودك تورينـي نجـوم القوايـل = اتحداني لين راسي من علومـك بـان شيبـه
كم حظنت اطعون زلاتك ولـو الحمـل مايـل = والتمس لك عذر والعالم تقـول الكـذب خيبـه
وكم..وكم واليوم ابشرك ان واد الحمض سايل = علته وسميتاً يـوم ارعـدت جابـت شعيبـه
يوم نفسك طاوعتك بصاحبك سوق الرحايـل = سوقهن والوادي اللي قلت لك لن جـاك ذيبـه
قله إنـك ماكسبـت الا عتـب راع الجمايـل = وأن ابو الطيب رحل واللي بقا شعـره وطيبـه
وان شرهة صاحبك لو تصبح شعوب وقبايـل = أمسة بليـلٍ علـى قـول المثـل ماينسريبـه
ليـل نسمـة مربعانيـه وتصبيحـة فعايـل = وبرق حدبٍ مرهفات يلوح في ساعـه مريبـه
وإني أنا اللي ضربت اطلق مثل في قول..قايل =(طيحة اللي مرتفع ياشينها...... / واكبـر مصيبـه )
