السلام عليكم
اهداء خاص الى الأخ الكريم عضو المنتدى جهاد
دفعتني القصيده التي نشر بالشعر الفصيح لنشر هذه القصيده وانا وعدته في ردي عليه
هذه القصيده الحقيقه لها قصه مع نفسي قبل سنوات حيث كانت الإنتفاضة الفلسطينية في أوج عضمتها ضد( الخنزير) شارون اعزكم الله. وكنت اتابع واتطلع بشغف للإجتماعات التي تعقد من قبل الرئيس الفلسطيني ياسر عرفات رحمه الله وبعض القادة..لكن كل مره من غير نتيجه مع اليهود.
واشاهد المواقف المؤلمه التي تحز في نفسي كثيرا ً وهذا طبعاً شعور اي عربي.
لكن ربما ان شعوري وصل الى حد الإسراف على نفسي.ابرزها امرأه فلسطينيه قتل زوجها واطفاله وبقية وحيده في الشارع تصرخ امام الكاميرات مفزوعةعلى اطفالها وزوجها وهي بالتحيد التي جاءت بالقصيده لدرجة اني في المنام ارى هذه المواقف المفزعه تعكر نومي وهذه ( والله العظيم الحقيقه)واعلم هذه الآلام ترافق وسميتها.
أوجاع العمر
يامل قلبٍ لاعه الهم لوعي=لوع الهوى لمعلقات السفايف
يبست عروقه واستماتت زروعي=جفّت مشاريبه وعادت خسايف
ياما قضيت الليل ماهوب طوعي=دمعي سكيب ٍ والخوافي نزايف
نومي تقاطيع ٍ على راس كوعي=كنّ العيون تذرّ فيها النشايف
سجين وافراحي تبدل فزوعي=طليق في سجن الهموم الكلايف
مواجع ٍ في عز نومي تروعي=دكّن بصدري كالمهار العسايف
ضاق الفضا والأرض ضاقت ذروعي=وحلو الليالي عوّدت لي صلايف
همي جبال ٍ فوق صدري وقوعي=عفت الحياه وللمسرّات عايف
صفحة زماني بان فيها صدوعي=مع زادي آكل هم واشرب غرايف
طاوعت بالآمال ياس ٍ وجوعي=اقفت بي ابصاري وعادت كفايف
عطيب في وقت الشقا والفجوعي=قلبي تلوفه زاجرات العصايف
أموت بالحسره وهذي طبوعي=كنّ الصدرُ يُقسم بحَد الرهايف
ابكتني اللي من قهرها جزوعي=واغلى الدرر تحت النقايض صفايف
جرّت نوايحها وهلت دموعي= وصاحت بعال الصوت وين الولايف
وين العزيز ووين باقي ربوعي=صيحاتها ثارت بصدري رجايف
مايحتمل قلب ٍ مقرّه ضلوعي=والا ادري انه ماتفيد الحسايف
راح البطل ثم راح بعده جموعي=ابطالنا لفّت عليهم لفايف
اجسادهم عن قبلة الله دروعي=بارض النبوّه هم للامّه خلايف
أوجاعهم فينا لو إنّا هجوعي=تراكمت كالراسيات النوايف
هذي هي اوجاعي وهذي فجوعي=ليا ادلهمّ الليل جتني نكايف
الأرض بي ضاقت وابعلن خضوعي=رهين لأوجاع السنين العجايف
الغايب؟ابطى ياعساله رجوعي=يالله تغيث معطشات ٍ لهايف؟؟
مبارك خليف البلوي
(عزام)
