&&&&& لأهل القصايد &&&&&&
السلام عليكم ورحمة الله وبركاته
هذي قصيده لشاعر "عبدالله محمود البلوي "
لأهل القصايد
هات القلم يا ذياب دامي تسليّت =أحسّ شيطاني حضر في مكانه
قبل أمس حافتني قوافي وعييّت = واليوم شعري ودّي أطلق عنانه
ياللي تنقصنّي بشعري ليا أقفيت = وتقول "شاعر" كنّها لي مهانه
قالوا لي إنك في غيابي تزرّيت = وقالوا كلامك فيه ريحة لعانه
كذّبتهم لكن بعد ما تقصيّت = وإلياك غارق بالعفن والنتانه
احترت فيك وشفت نقصك وغضيّت = وأقول جاهل ما يحكم لسانه
صابر عليك وجا كلامك وكنّيت = ما قلت ياراع الخنا والعفانه
واليوم دامك بالذي قلت قرّيت = جاسّتنا مجلاس مابه ميانه
مدري عطيتك وجه وألا انت جنّيت = وألا أنت ثاوي ماتعرف الرزانه
تسّب شعري ماعن السّب كفيّت = إن كان عندك نقد بيّن ضمانه
واحفظ لسانك يكفي إنك تخزّيت = والشعر يا جاهل بالأشعار كانه
يوذيك روح إن شفتني فيه سجّيت = ما أجيب شعري وأخزنه بالخزانه
مسكين ما ألومك بعد ما أنك أخطيت = ماتدري إن الشعر عزّ وحصانه
يا جاحد الزينات لو انك تماديت = ما في ضميري للمهابيل خانه
الشعر ناداني بصوته ولبّيت = لفيت سهران وغفيت بحنانه
والصبح في بستان الاشعار عدّيت = وأخذت من ورده ومن قحويانه
بحثت فيه من الولع لين لاقيت = الوزن "فارس" والمعاني"حصانه"
والحرف ما أجيبه على حرف غنيّت = تحسب عليّ من القصيدة رعانه
ويوم أمتحّني هاجس الشعر عانيت = إلين ما عدّيت صعب إمتحانه
والله ما أفخر يوم للشعرضحيّت = لكنّي أغليته وعليّت شانه
لأهل القصايد سقت وأخذت وأعطيت = وأهل القصايد هم رجال الذهانه
أهل السعة يا ما عليهم تشكّيت = أهل الوفا والفكر والاستكانه
يدرون وش بعمق الأبيات خبّيت = كنّ القصايد في يدهم رهانه
هذا كلامي لو به النار حسّيت = فيه إتعلّم كيف تنسى الخيانة
خذها نصيحه كلّ ما أصبحت وأمسيت = "من صان منطوقه من العيب صانه"
وخذ هالسؤال ونفسي تردّ ياليت = نفس تردّ بكلّ صدق وأمانه
رجاّل ما ينظم من الشعر لو بيت = كيف يتخارج من صوادف زمانه؟
