طالت الغيبة حبيبي ليه طوّلت الغياب= ليه تنسى من يحّبك يا قمر نصف الشهر
لو بأعاتبكم حبيبي مانفع معكم عتاب= قدّر الله لك غرام وقدّر الله لي سهر
لاتغادر عن عيوني ذقت بغيايك عذاب= من نظر نجلت عيونك عن عيونك ماصبر
عاشق ومفتون فيك ودنيتي بعدك خراب= والله إنيّ ماهويت إلاّ انت ياسيد البشر
أنظر أشعاري بحّبك عانقت صفحة كتاب= تشهد الأبيات كم مرّه ذكرتك ياقمر
ويشهد القلب الجريح اللي بحبّك ما يهاب= والدموع اللي ليا شافت صدودك تنهمر
حسبي الله من حسابك كيف عجلّت الحساب= كيف جافيت الفؤاد اللي بحبّك ماغدر
ياعذابي خايف إنّي في هواك أطرد سراب= خايف أكون الصحاري ماتكون إنت المطر
شلت بالخافق هموم وشلت صدري صواب= لاقدرت أوصل هواك ولا تعدّيت الخطر
الشاعر:
