الشاعر: [blink]عبدالله محمود البلوي[/blink]
ويلي من الليل ليل الحزن ياطوله=ثواني الليل ماتسري على خيره
اشقاني الشين كيف اخلص من فعوله=اسقاني الهم والهاجوس والحيرة
مابين ونَه ودمعة عين مقتوله=وجروح تنزف وعقلاَ ضاع تفكيره
وعيون ماهي عن الدمعات معزولة=وأنفاس حرقى تهزّ القلب وتثيره
أعيش ليلي واسج دروب مجهولة= غريب عابر ولايستانس بديرة
أعاني المُرّ وأخفي شي ما أقوله =وأشرب عناتي وذنبي صعب تفكيره
لوبعتذر عندي الاعذار مقبولة=لكن زماني حرم قلبي معاذيره
صُب التناهيت يا "المنحوس" مدبوله =محكوم بإعدام عند اقل تقصيره
هذا الوهم يدخل بكلمات معسوله= ويعيش بأقصاك ليت يقل تقديره
ويروح والروح يالمجروح مشلولة= لافيك رجوى ولانخوة ولاغيره
حتى اقرب الناس عندك يبعّد حموله=لوما تعدي بداره سابع الجيرة
يخاف "نحسك"يمد يديه ويطوله=معذور من حقه التطنيش والطيره
تحتار عين الصباح بغدر مكحوله؟=و ألاّ ثقل دمّ ؟ وألا "نحس"ماغيره؟
