نامت عن الوصل ياغازي وخانتني=وانا الذي صـدوق الـود شاريهـا
عامين وافي لهـا واقـول حبّتنـي =رغم المسافه تقل ساكن بأرضيهـا
وللعت مخدوع فيهـا يـوم نادتنـي=قالت لي انسـى محبّتنـا ولياليهـا
ياكثر ما جيتهـا عانـي وردتّنـي=وارجع وانا الروح عند الباب راميها
وياكثر مهديتها ريحـان واهدتنـي=حنظل وسبحان من خلاّني اغليهـا
عيوبها واجده وإن كـان عابتنـي=مابي من عيوب غير إني وفي فيها
اشقيتها بالقصايـد حيـل واشقتنـي=تجفى وتندم وتعدل عـن تجافيهـا
وترّد وتصدّ وإن طال الزعل جتني=ماقصدها تعتذرلـي عـن تعاليهـا
تبيني اقول بإسم الشـوق صادتنـي=وإني بعد حُبّهـا مشبـوك بيديهـا
إن كان ياصاحبي برخيص باعتني =لعلّهـا بالخسيـس اللـي يعنيّـهـا
قبل أمس بالزهد والنقصان سامتني=واليوم قصّة عذابـي لازم انهيهـا
ما حب كشف الهوى لاشك حدّتنـي=(متغّليه)خّـل ينفعـهـا تغلّيـهـا
الشاعر:عبدالله محمودالبلوي
