(الـــــــــــذل)
ياجاهلا بالذل فكر بصــــــــــــــــــــــدام=تلقى المذله والحياه الشنيعـــــــــــــــه
لفت به الدنيا ودورات الايـــــــــــــــــام=قطيعتن ماعمرها من قطيعــــــــــــــــه
بعد الفخامه يزهمونــه بهـــــــــــــــدام=كثرو عليـه اعـداه سنـه وشيعـــــــــــه
بعد القصور وبعد تصدير الاحكـــــــــام=لونه ينادي للبشر ماتطيعـــــــــــــــــــه
يتبادلونه بالايـادي والاقــــــــــــــــــدام=يشكي ويبكي والنواظر دميعـــــــــــــــه
سجن وكلبشاتن ولوعات وسقـــــــــام=وتناهشه كل السباع المجيعـــــــــــــــــه
امجردينـه لادفاتــــــر ولا اقـــــــــــــلام=والمحكمـه ضيعه وضيعه وضيعــــــــــه
مرغم على التوقيع والبصمه ارغــــــام=الخصم قاضي والحكومـه رجيعــــــــــــه
آخر مطافه ينتظـــر دور الاعــــــــــدام=صحيح دورات الليالـي سـريعـــــــــــــــه
وبرزان من خلفه رهينه للاوهـــــــــام=وطاهـا تحمل شـي مـــا يستطيعـــــــــــه
واعـوانـه اللي ماضي ايامـــــــه أزلام=كلا على الكرسي يشاهـد طعيعــــــــــــــه
ووجيههم صارت تلاوين واقســـــــام=عقب الكراسي والبيوت المنيعــــــــــــــه
هذي حوال الذل وصنوف الاجــــــرام=تفكرو ياناس قبـــل الخديــــــعــــــــــــه
تمسكو بالدين وركــون الاســـــــــلام=وسيرو عـلى نهج النبي والشريعــــــــه
والعمر يقضي مثل تحديد الارقـــــــام=حوادث الايــــام دائــــم فجيـــــعــــــــــه
