(( مرثية صقر المواهيب (3) ))
مرثية صقر المواهيب ( 3 )
ـــــــــــــــــــــ
ا
ا
مرحوم يانجمٍ خفق تالي الليـــــل= من بعده انجوم السما كاسفاتي
يامخرجن يونس وياهازم الفـيــــــل = عسى اجنان الخلد له دانياتـــــي
ما كل ماقالوا رجالن رجاجيــــــــل = ولا كل من نونٍ شتاء خير ياتــــي
واد القرى لا سيلتك الهماليـــــــــل =بقعى تهز اهضابك العالياتـــــي
يامطرحن ما تعز غير الشماشــيــل = يهدك الله بمحياي اومماتـــــــي
عسى اكهوف القوم صالح مقايـــل =يقرط بها من فوق سبع اسمواتي
لما طرقته بعد سيد الرجاجيــــــــل =لولا الحيا قرطت غدفة عباتـــــي
فارت ادموعي كنها دافق النيــــل =على اخدودي حدرن سابلاتـــــي
على ابو غازي يدفقن المكاحيـــل = لا توقفي ياعين صبي اوهاتــــي
بعد ابو غازي صلقوا بالمعاميــــل = عليه دمعة مقلتي والهفاتـــــــــي
والله يا غازي مابقى بيه الحــيــل = كني قطاتن تايهه بالشتاتـــــــي
مرعوبتن فوق السهود المضاليـــل = عجزت تطير اودولجت للمباتــــــي
ياتاج راسي زارقن قلبي الويـــل = متى على الله تنجلي ياحياتـــــي
والمودماني لو رقى فوق لسهيل= لا بد من يومن يحط الوطاتــــــــي
مير العوض بك يابعـــيد المناويــل =والموت ياخذ روح وارواح تاتــــي
رد: (( مرثية صقر المواهيب (3) ))
والله ونعم
بصقر المواهيب
معيصير
الله يرحمه والله والنعم ثم النعم
الله يرحمه ويرحم موتانا جميع
العوض بالنشاما الباقيين
وهو عساه من سكان فسيح جناته
محمد بن ظاهر بن صميد
رد: (( مرثية صقر المواهيب (3) ))
رحمه الله واسكنه فسيح جناته
صح لسانك وتجلت احزانك ودمتي بخير
رد: (( مرثية صقر المواهيب (3) ))
مير العوض بك يابعيد المناويـل
والموت ياخذ روح وارواح تاتي
صح لســـــانك وسلمـت أناملك
بالعون ان المقصود وكاد انه يستاهل
والينك ماقصرتي
رد: (( مرثية صقر المواهيب (3) ))
قصيدة تستحق الرفع و الإشـــــــــــادة ..
يكفيها أن تكون رثاء بمن يستحق الرثاء ..
و عودي إلينا يا / بنت المواهيب ..
