يالله يامـــــــــــــفهم محمد لجبـــريل=من شان مايجـــــــــهل من الخلق قــاري
انك تعين اللي بحث سده الــــــــــليل=طيـــــراً مبــرقع مايشــــــــوف الحباري
اسهر عيـــــوني هاجسي والفناجيل=والقلب واصـــــل عادتـــه بالمســــــاري
من ضيقتي شفت العنــــى والبهاذيل=بالغصب جسمي في منــــامي اجبـــاري
الله على اللي يبهج الصدر بالـــــويل=من فـوق جيــــــب حـوض والا ســــفاري
ابي اليا طفـــو جمـيع التنـــــــــابيل=ادق ســــلـفه تـــالي اليـــــل ســـــــاري
معي زهابي والغــــطاء والمعــاميل=وجمـــــيع غرضــان الســفر والطــــواري
الخط صـــــــحراوي ومعيه دواليــــل=بالجــــنب الايمـن لـلمـــــهمـــات ضـــاري
لوهو بظلمـــــى والعرب بالمحــاويل=الذيــب المــعط يفــتــرس بالــــــــغــداري
الجــو غيــم والســـــــحايب همــاليل=لجـــن عصــافيــر الشــــجر والخضـــاري
شبعت رواعيها عقب جــــارح السيل=بارض خــلا مــدهـال ســفـن الصــــحـاري
بفخوذها صـــــبغه علامـه من النيــل=ريـــحت عبســــها كـاالدخــون القمـــاري
ربــد العفــارى بنــــوازي مغـــازيل=عقـــب المطر ماشـــيف حتـى الاثــــــاري
تلقــى القطــى للبيض سوى دحاميل=مــــثل الحدج مبطي بطلـــــعه نشــــاري
ايــام غفــلات الصبــــاء والتساهــيل=وقــت الربيـــــــع وشـــربنا للخبـــــاري
حمى الذرى يالقيـض تمشــي عرازيل=وردت على جـــــواً من العـــام صـــــاري
قدامـــــــها ربع تشــــد المحـاحيــــل=متحــــــيزمين بلــــــقني والشبـــــــاري
