رســالة غــلا .. من شخص غــالي ..@
مع التحية للاخ ** غازي الميهوبي .
اخي العزيز وصديقي الوافي ابو حافظ .
المعذرة اخذني العمل الاداري ،، الابيات لاتفي بمايدور بخاطري ومشاعري تجاهكم ،
وتقبل ياصديقي خالص تحياتي وتقديــري .
اخـــوك : صـــــالــح الحصــــين الشـــراري ..
ياعل مزنن يجينا مايخليكم =يردم سحابه من الساحل اليا الجوبه
يروي بلادن سكنته مع مفاليكم=يذرف من الجال يم الطعس واخبوبه
ياابن المواهيب عندي علم اهاليكم = ان فرعت عن شعرها خطو رعبوبه
عدوكم يوم الملاقا مايواليكم = كم خفرتن من طعنكم شلقت ثوبه
وانت اللذي لك مكان الود واغليكم= معزتن له مكانتها او محسوبه
لونه بلغني مصابك غير اعزيكم = لو انها من ولي العرش مكتوبه
والله والله لو هو على الرجلين لاجيكم = قدرن لكم والوفا نمشي دروبه
لكن عسى الله يابوحافظ يقويكم = عسى البقا بك وبخوانه اوهي نوبه
يااخوك زرنا عسى ربي يحيكم = نفرح بكم فرح المقفي بمطلوبه
من معزتكم عندنا نعز عانيكم = نعطيه حقه ومقدوره او مو جوبه
واحنا على نهجنا الماضي نشاديكم = نروي شذا بالملاقى كل مسلوبه
للشاعر : صالح الحصين الشراري ،،
^^...وانا اقول كفو والله يالغلا صالح والف مليون نعم فيكم...^^
