جت تجلجل من اقصى الجاش مثل السحابه ...ضاق فيها خيالي مزنتن مدلهمه
جت تجلجل من اقصى الجاش مثل السحابه = ضــــــاق فيها خيالي مـزنتن مدلهمة
أرعدت وأبرقت والنيل زاد انســــــــــــكابه = وغتشت جرح تنبش به وجرحن تدمه
وكتســــــــــــت بي وقار المعرفه والمهـأبه = جمتن راهيـه مــــــا هي مثل كل جمة
تقل تمشـــــــــــــي على دقات طبل الحرابة = مـع اصفوف الجيوش القادمه للمهمة
جت تلملم شتات القلب وقتي ســــــــــعا به = مثل ما تلملم ام البيض عشـــن يضمه
ودهـــا تلم جــــــرح القــلب زادت عـــذابه = لان قلبي مـجــرح ناقـعن وصـــت دمه
كن قـلبي وهــمه مـجتـمع وصـــــــت غابه = والوحوش الضواري داخل القلب همه
الوحــــوش الضواري وصت صدري تلابه = تنهـش القلب من داخل وحالي تســمه
يشــــــــــتكي من زمانن شاف منه الغرابة = كل مافـاتت امطمـه تــجيني امــــطـمه
كل يوم (ن) نقول أحــــــصان كبوه كبا. به = ونتعذر نقـول عــلوم مـاهـي مـــــهمة
فوق بيض الصـــــــحايف لـوقـرينا الكتابة = ماتــبــين الــخـــوافي والــبلا بالـتـتمة
البلا بالعـــــــقول وبالقلــوب ألمصـــــــابه = كل ماقـلت فـهـت زاد بالــغيـم غــــــمه
وين ذاك الفـــــــهيم الي يــعـرف الاجـابه = الفراســــــــــــــــه لهلها بالمور الملمه
كل وادي غشــــــاه المزن بيــجيب مـــابه = ســــيل شلق ألمسوك وسيل قشاع قمة
والنوايــب لهـا زمـــل النـوايــب ركــــــابه = والمخاليل كل(ن) ينـحــرف يرضع أمه
يوم بعض الرجال تضيــــــــع منه الذرابه = يـنهزم عـن طــريق المــر جـله للمذمة
بالشطاره يحســـب انه كســـــب له كسابه = مادرى انه يشـــيل الناقصه وصت كمه
ابشــــر انا مع الشــــــــــدات زدنا صلابه = عـــــزتي راس مــالي مـعتــلي كل قمة
مانحني غير لله ربي اخشــــــــــــا عقابه = رازق الداب الاعمى جــــــاه رزقه بفمة
