نابيات المراقــــــــــــيب
من قصائد والدي الشاعر سليمان ابراهيم الوحيشي
وهي قديمه جداَ
يازين مبدى نابيات المراقيب=في راس مرقاباَ طويلٍ ونابي
ذولا نذبحهن وذولامصاويب=بمشوكاً دايم صدوق المصابي
الذمن خوة خطات الخراعيب =يلو لها بأقصى الضمير التهابي
يابنت ماني من خطات الهناديب=ماشاف درب المخطيه والصوابي
ايضا ولاني من خطات الهباهيب=اللي بلمات المجالس اهذابي
عذروبنا يوم الليالي شلاهيب=نطح النشامى والمبهر هبابي
والجار له عندي محبه وتوجيب=اشيمه حتى يشيب الغرابي
حلفت مقعد لك ورى اليوم خطيب=يالصاحب اللي صار فيه اقتلابي
الصاحب اللي شاف فيه عذاريب=عقب الموده باعني واشترى بي
طاوعت في مقطعين العراقيب=اللي يخلون العماره خرابي
شهب الوجيه معلقين المشاعيب=تلقىسوالفهم سواة السرابي
تلقى لهم على السوايه صواليب=كلِ يولف من ضميره جوابي
وان كان قصدك شبت شابو هل الشيب=كم شايباًفك العرب يوم شابي
يالله ياللي تبدي الشمس وتغيب=يامدبراَعبدك على كل بابي
تكتب لي الجنه على الخبث والطيب=نهار لاقالو عميلي غدا بي
