أحـبـتــي
إنه سيد حقول السنابل
وأحد القلائل الكبار فكراً واخلاقاً
يجيء دائماً كإنسان بكل ما للنهر من صفاء
ويجيء كشاعر بكل ما للمطر من غيث
وهو من قال ذات شعر :
( عمر الشعر ما هو جواب
الشعر طرح الأسئلة )
ويكفي أن نقول أنه
http://www.mdaalbhar.com/vb/image.ph...ine=1140474638
( هـامـة نـجـد ) أحمد الـنـاصـر الأحـمـد
ليتفق الكثيرون على جمالياته الإنسانية
والإبداعية الكثيرة والغزيرة
.
أحبتي
أتـنـفس الصعداء أولاً ثم أعـود بـبـعـض غـيـثـه
إنـتــظـرونــي
.
(1 )
ســـدرة الـقـلب
الجمرصمتي واللهب بعض بوحي=والشاعرالمسكون بالوعي مصباح
ياسدرة في داخل القلـب فوحـي=هدي جدارالصمت يكفيك مـاراح
لوطال دربـي مايقصّرطموحـي=الله خلق في هقوتي عـدّة ارواح
احمل سلاحي مابعد بعت روحي=في هالزمن مافيه عاقل بلاسـلاح
اكبرعذاريبي بـراءة وضوحـي=واصعب عيوبي إني إنسان لمّـاح
لاجيت افتش في ثنايا جروحـي=كني احس بشي مثل الأمل طـاح
الله يازيف الزمـان الشحوحـي=اللي مزج لون الحقايق بالأشبـاح
باقولها في صدق والناس توحـي=معقول به شاعربهالوقت مرتاح؟!!
.
(2 )
عــابــر
عابر وخطواتي مواقـع للأزهـار=عابـر خيالاتـي مواسـم سحابـة
عابر وابهدي للزمن كل الأشعـار=نزف القلم هـم الـورق والكتابـة
عابر وابنسف في شراييني اعصار=جربت انا الغربة وشفت الغرابـة
عابـر بلاتفكير..مليـت الأفكـار=ومليت من طـول الشقـا والكآبـه
عابر بدون اسرار..هوباقي اسرار؟=حتى الألم صارت دروبه تشابـه!
عابر وزادي بالسفر حب الأسفـار=عابر طريقي بين صحـرا وغابـة
عابر وابنهي مرحلة نضجي الحار=عابر وابلغي مـن عذابـي عذابـه
في تربة الغربة نبت عندي اصرار=وعما يقول الناس مااملـك اجابـة
عابر واذا قررت مااحب الأعـذار=ويكفين وصف البعض بإنسان نابه
.
.
.
ابوشاهر
يستحق الشاعر احمد الناصر ان يكون هامة نجد
احمد
دوم وانت شامخ بفكرك واسلوبك الفذ
ادام الله عليك الصحه
وتقبل
مودتي
.
الغالي / أبو سليمان
شكراً لتشريفك المتصفح
تحياتي لك
ولفكرك
.
( 3 )
الدخول من اوسع الأبواب
.
تبي بعض الذي عندي ولاتسأل عن الأسباب=لوان البعض رغم الصمت مايجهلك تدري به
انا لامن نويت ادخل دخلت من اوسع الأبواب=تركت السور والشباك للي نظرته خيبه
انا احب الهدف واضح..واواجه..واكره الكذاب=واسايرمن يحب اللعب لين اكشف اساليبه
انا للرايع/ الرايع سحاب وللعدو حراب=بعين اهل الوفا جنه..بعين الخاين مصيبه
مادام ان غايتي حاجه( كبيرة) حالفٍ مااهاب=ولاامشي في طريقٍ خبرت الرجلين تمشي به
كرهت الحب.. تدري ليه؟ لأن الحب صار اسهاب=جميع الناس تصبح به وكل الناس تمسي به !!
وصارالحب في غربه لأن العاشقين اغراب=ألاوش ينبغى بالحب لامن غابت الهيبه ؟!
.
.
( 4 )
( صورنا القديمة )
الشمس لوتشرق على صدر غيمة=كان اصبح الإنسان مايعرف الهم
والأرض لوهي من عطاها عقيمة=استبشرت والجود من خيرها عـم
وماضل با لأنفس مواقف اليمـة=ولابقـى مشـوار للخيـر ماتـم
ويصير للحظـات معنـى وقيمـة=وتشوف ولد العم فعًلا [ولدعـم]
كان انتهت اغلب صورنا القديمـة=اللي مزيج الوانهـا يشبـه الـدم
لاحقد.. لابغضاء وحسد ونميمـة=ترجع حقوق الكيف من قبضة الكم
الشمس لوتشرق على صدر غيمة=حتى عـدوك لا لقيتـه تبسـم !!
( 5 )
الأســــــــــــــــــــوار
مثل احتضـار الأسئلة..مثـل الأصـرار=مـثـل الـقـلـق قـبــل افـتــراش السكـيـنـة
مثـل انبعـاث الرعـب مـن جـذوة الـنـار=مـثـل الأمـــل لامـــات فـــوق السفـيـنـة
مـثـل الـتـردد بالخـطـى عـنـد الأسـفــار=والــنــزف داخــــل ذكــريــات دفـيـنــة
مثل الصراخ الميت في بعض الأشجار=مــثــل الــفـــرح لامـــــن تعثـربـحـيـنـه
مثـل الأمـل لامـات فـي روس الأخيـار=مـثــل التـنـاقـض فـــي لـيـالـي المـديـنـة
مثـل افتعـال الهـرج عـن شـي مـاصـار=والضـحـكـة الـحـلـوة بـشـفــه حـزيـنــة
مثل اقتحـام الصعب..مثـل الهـوا الحـار=مــثــل ابتعـادالـطـفـل عـــــن والـديــنــه
مـثـل الشرودالمـرفـي بـعـض الأفـكـار=مــثــل الـتـنـكّــر لــلأيـــادي الأمـيــنــة
مثل ارتحال العمرعن بعـض الأطـوار=مـثــل الـتـرفـع عـــن دروب الضغـيـنـة
مـثـل الألــم لاضــاع بيـديـن الأســرار=مـثــل الـذكــا لامـــن تـجــاوز سـنـيـنـه
هــذا أنــا والا أنـت..لـك حـــق تـخـتـار=درب الــشــقــا مـابـيـنـنــا قـاسـمـيــنــه
نهـرب مـن الأسوار..ونحـب الأسـوار=النفـس حسّـاسـة والأوضــاع طيـنـة !!
(6 )
من تكون ؟!
قالت:من تكون بالتحديـديالشاعرالنـازف المُجهـد =يالمُتسِع والمراجـل بيـديالمُبتعِـد حيل..يالأبـعـد
يالمُرتفِع عن ظنون الغيـديالمنطوي لامتـى تزهـد؟ =من أنت قلّي..وخل الكيـداصدق مع اللي بك استفرد
قلت:اصدقك والحقايق صيدخذها من الأقرب الأوكـد =الله خلقنـي وكـره القيـدآقف حسب رغبتي واقعـد
وان مابقيت بحياتي سيـداموت من قبـل مااستعبـد =وبحكمة الرب صرت وحيدالا مع الصدق والمسجـد
كان رمضاني بليـا عيـدفالصوم للصادقيـن افـود =الحب والعشـق والتغريـدكرهتهـا داخـل المشهـد
ومليت من كثـرة الترديـدوخذلان الأبيض من الأسود =لوشفتنـي رايـح لبعيـدمبعـد ولانيـب مُستبعَـد
اشيا كثيـرة تهـد الحيـدفي داخل النازف المُسهَـد =ذابعضها وان بغيت ازيـدالله يعينـك علـى الأزود
قالت:كفايه وصل مااريـداللي ذكرته هـو المقصـد =انـا عرفتـك وبالتأكـيـد .أنت: أحمد الناصر الأحمـد
( 7 )
((.. فكرة..)) !!
مـتـى ماشـعـت الـفـكـرة بـــراس الـمـبـدع الـفـنـان=وهــي اكـبـر مــن ابـداعـه وفـنــه مـاتــت الـفـكـره
واذاجـت صدمـةٍ هـزّت مـن الـداخـل شعورإنـسـان=ولوهـي راحـت بسرعـه بقـى طـول الـزمـن ذكــره
وانـا شفـت الزمـن طيرٍهزيـل وصـرت لـه جنـحـان=واحـس أن الألــم سـلـك طـويـل وعـمـري المـكـره
ترى بعض العجاج اهون على الطرقي من الدخان=وطـول اليـوم مايطفـي لهـيـب الـشـوق عــن بـكـره
وترى اكثرمن يخاف من المطرمن يسكن الوديـان=ومـن هوبالعـطـش مـذبـوح يـشـرب مـويـة عـكـره
اذا انـه ماصـدق حلمك..فحلـمـك خـلـه الـلـي كــان=مـدام أن الفـرح مـوجـود عـنـد البـعـض واحتـكـره
جـمـيـل نـعـلـل الفرقـاعـلـى انـــه بـــاب للـنـسـيـان=واذا كـبـرت عــزوم الطـيـر مايـرتـاح فـــي وكـــره
تــرى كــل الـعـزاء لـلـي يـحـب ولاعـشـق مـاخـان=وبـعـض الـنـاس لــه قــدره تـحـب وقــدرة تـكــره!!
واناأجمـل مـن عشـق قلبـي حبيـبٍ ماتـرك عنـوان=رحل..والـلـى بـقـى رشــة عتابه..همهـمـة شـكـره
( 8 )
الجمــــ ـــ ــــرة
بـك تزهرالشمعـة ويخضرالمـداد=ولك من ليالي شاعرك صبـحٍ نـدي
ولي مـن بداياتـك عصافيرالفـؤاد=ولك من نهاياتـي بدايـة موعـدي
ولك من مشاويري مواعيد الحصـاد=وصهيل حرف وريح وخيـول تعـدي
ولي همّة تكبر ولـك عـزم الجيـاد=كل ماانتهى مشـوار عنـدك يبتـدي
ولي بالثرى حبٍ وعشـقٍ وامتـداد=ولك بالفضا وهجٍ خجل منه الجـدي
ولي من رذاذ الهمس واصوات التضاد=قوافل تسـري ولـك ركـب يحـدي
لك من بقايا الأمس طـول الأجتـلاد=ولي رحلة من طولها خفـت اغـدي
لقيتك الجمرة تحـت جفـن الرمـاد=واشعلتهـا واثراشتعالـه هوغـدي
يامااجمل اللحظة وياطيـب الجمـاد=اثرالحجرحسـاس والرمـل اجـودي
خلاص ماللحـزن داعـي والعنـاد=معك ابتديت وطاب هالحـظ الـردي
( 9 )
مـــلـــل
مـلـل يالإنتظارالصعب..ياحـلـمٍ نـبـت بالـتـيـه=مــلــل كـــــل المواعيدالـغـبـيـه..كـل مـافـيـهــا
ملـل للرغبـه الهـشـه لامـاتـت بيـن(لا)و(أيـه)=مـلـل لاحــلام ماتكبرمـثـل هـقـوات راعـيـهـا
ملـل كـل العطاوالبـذل اذاانـه صافـح التشويـه=مـلـل كـــل الهدايا..لـوعـرفـت اسرارمهـديـهـا
ملل للركض والنظره..ملـل للزيـف والتمويـه=مـلــل للأسئلـه..والأجـوبـه تـخــذل مرامـيـهـا
ملل لأحلام مجنونه تسافر في دروب ال(ليه)=مـلـل لاكبرعـبـارات تـخـلـت عـــن معانـيـهـا
ملـل للأقنعـه والأمتعـه والـوصـف والتشبـيـه=ملـل لنفـوس حاضرهـا خجـل قـدام ماضيـهـا
ملل لكفوف ممدودة ماتـدرك حكمةال(مابيـه)=لــوان الفـقـر فـــي كـــل احتـمـالاتـه محنّـيـهـا
ملل كل الورق والحبراذاانـه ماصـدق راعيـه=مـلـل لاشعارخانـتـهـا عـــن الـغـايـة قوافـيـهـا
مـلـل للحب.للعـشـق الكسـيـح وكــل ماجـافـيـه=ملـل لـدروب نفرشها..ملـل لـدروب نطويـهـا
ملـل اكبـرمـن الـلـي نعـرفـه وبصمتنانـرويـه=ملـل كلـمـه ابيـهـا تحـمـل المعنى..ولاابيـهـا!!
ملل..خيبـةأمـل واشـيـاء كثـيـرة والنتيجـةايـه=جمـيـع عـيــون تعجـبـنـا نكّحـلـهـا ونعمـيـهـا!
( 10 )
( حبيبة شاعر )
بذلـت اقصـى حدودالمستـطـاع ولاوصـلـت لـشـي=واذا لــك رغـبـه افـحـــاول ابـيـهـا جـــد هـالـمـرّه
ابــي قـمـة عـنـادك والتـحـدي والطـمـوح الـحــي=تـدلّـك لـلــدروب الـلــي تـــودي لأرض مـخـضـرّه
واذا نادى لك العادي على شان الرجوع اف(عي)=مادامـك بالطريـق الصـعـب قــدرت تثـبّـت الـجـرّه
ولاتركـن علـى بعـض الشجرلوهـي عطتـك الفـي=وشخـصٍ مااعتـرض دربـك فـلا تفيـده ولاتـضـرّه
واذاطـال الـظـلام وضــاق دربــك فالنهـايـة ضــي=قـبـل ماياصـلـك بردالهـبـوب اصـبـر عـلـى حـــرّه
واذا قـرّبـت لـحـدود النهـايـة جــاك صـوتـي(هـي)=خـلاص ارم الزهـاب اللـي تبقـى واكسر(الـجـرّه)
هناااك ابشرابحكي لك ووضح لـك وش اللـي بـي=واسولـف عـن كثـر صبـري علـى المحـار يالـدرّه
وابعـلـن ذي حبيـبـة شـاعـر مـــل إنـتـظـار وذي..=مـعـاهـا حـــق لـوصــارت رفـيـعـة راس مـغـتـرّه
( 11 )
( يـا واقــفــه )
اواقفـه والشعـر أرضٍ ماتطيـق الإنتـظـار=إما ادخلي ببـلا هـلا والا ارحلـي ببـلا شـره
هـذا التـردد داخلـك ماينتهـي غيـر بقـرار=وهذا الصدى من أي صوت من وين حدد مصدره؟
قـدام عينيـك المساحـات الكبيـرة والبـحـار=وهنـاك ممـدودٍ جسـر إن كـان ودّك تعبـره
ياخايفة من(أي شي) والخوف من طبع الصغـار=ماانتي على طول السفر من دون رغبة مجبـرة
قلتي.. وقلتـي والكـلام الـي حكيتيـه انبهـار=واغلب سواليف الغرام من دون جـدوى وثمـره
هاللي تشوفينه خضار ماهـو بالواقـع خضـار=وهذيك غابات الرمـاح ماهـي حقـولٍ للـذره
وهاك البعيد المستدير..تدرين وشلـون استـدار=وتدرين ليه من البحار يطلع عجـاجٍ وغبـره؟!
تدرين.. ليتك ترجعيـن اكيـد تهتـي بالمسـار=كلٍ خلقـه الله لشـي واعطـاه فيـه المقـدره
يابنت والشاعر عظيم والشعـر مثـل الإنتحـار=واجمـل قصيـدٍ نكتبـه تقـوم لجلـه مقـبـره
يابنت قولي للجميع لامـن رجعتـي باختصـار=الشعر أكبر من طموح البنت أو رغبـة مـره!!
( 12 )
( قطار الصدق )
ليتك تكون إنسان من أجل الإنسـان=وتفّرمن ذاتك علـى شـان ذاتـك
ليتك تذوق الحب والطهر من شـان=تفرق صفاتك عـن بقيـة صفاتـك
ياللي جمعت من البشر كل الألـوان=مزجتها..شكّلـت منهـا حيـاتـك
لو كان في فكـرك خيـالات فنـان=والصدق ثوبـك والحقيقـة عباتـك
ماصغت للمضمون خمسين عنـوان=ومع كل خطواتـك يزيـد التفاتـك
أدري معاك إحساس وإدراك وأشجان=وذكاك يستر ماانكشف من سماتـك
ياسارق الأفراح من كف الأحـزان=ياجامعٍ من نـزف غيـرك فراتـك
ياإنسان.آسف..ياشبيـه للإنسـان=فاتك قطار الصدق والصدق فاتـك!!
[CENTER]( 13 )
( رحـــلة النــور )
لاتشتكين..ومنجل الوقت مكسـور=لاتصـرخـيـن وعـــج الأيـــام ثــايــر
التضحيـات تهـون فـي رحلـة النـور=ودرب النجاح / المجدنصفه خساير
حنـا توهمـنـا السـفـر واثـرنـا نــدور=حـتــى تـعـودنــا حــيــاة الــدوايــر
نصف البياض اللي نحبـه طلـع زور=ويـن الأمــل والـصـدق و(...) جـايـر
لاتزرعيـن احلامـك البـيـض بالـبـور=لـوّن عجـاج الزيـف حتـى الضمـايـر
تمسكي باللي بقى فيـك مطمـور=مـادام كـل اللـي طلـع منـك طـايـر
مابه امل تمشين في خارج السور=ومابه رجا تشكين من شـي صايـر
تلقين فوق المسرح / التيه لك دور=وخلـي لـرب الكـون كــل المصـايـر
( 14 )
جرح شمالي
كـل مـالاح بـرقٍ فـي عـبـاة الشـمـال=تنتـصـب ذكـريــات وافـيــه واخـتـفـي
واستلذالهـواجـس بـيــن صـفـرالـدلال=جاهـزات جمـيـع وجمـرهـن ماطـفـي
ذكــريــات تــــوارد والـحـضـورالـرجـال=وكــل صــدرٍ تنـهّـض بالمحـبـة دفــي
وامطرت ذكريات وداخـل القلـب سـال=وادي مـــن ورا (حايل)ورويـت(نـفـي)
ودارت احـلـى القصايدوالبخـورالـغـزال=والـمـحــب أن تعطّـربـالـغـلا يـكـتـفـي
كل ماهـاض عاشـق بالحديـث الـزلال=زان جوالقـلـوب المـغـرمـات وصـفــي
ذكريـات حسبـهـا كــل جـاهـل خـيـال=وش غنيمة خلى البـال غيـر النفـي؟!
كـل مــالاح بــرقٍ عــدت لاربــع لـيـال=اشـتـعــل واتجمّرلـجـلـهـا واحـتــفــي
شفـت فيهـا جمـالٍ غيـركـل الجـمـال=اصدق الحسن واضح واخطره مختفي
السعـادة قصيـرة فـي ربـوع الشمـال=وكـل جــرحٍ شمـالـي للمشاعـروفـي
( 15 )
(( نصف الإجابه ))
احرق الكوخ واضحك تنبت الأرض غابة=حطم القيد ترجع للمكان الجهات
لوتطاول.. تطاااول كان تصبح سحابة=من عطاها تحقق كل حلم النبات
ليه ترجع.. تقدم النتايج تشابه=خل عندي يقين.. وخل عندك ثبات
ليت حلم تضمه مااحتوته الكتابة=يزرع الأرض حب ويمتزج بالحياة
لو تحطم.. بوهجك كل موقع كآبة=كان تملك بنفسي موقع إنسان مات
مالقيت لسؤالي غير نصف الإجابة=من يلملم ذهولي في دروب الشتات
خل عندك طموح وعاند الوقت جابه=مقدر اعطيك ذاتي وانت من دون ذات
( 16 )
طيبة البارود
لاهند..لاغاده..ولاريم ونجود=( بنات حوا ) ماتسبب ذهولي
صحيح انا عاشق..وعاشق بلاحدود=لكن عشقي ماوقف عند ذولي!!
انااروم الصعب واصارع الكود=ابعدهدف مايبتعد عن رسولي
بي طيبةٍ لكنهافوق بارود=وبي حدةٍ لوكان طبعي خجولي
احيان اسافروابتعد..وابتعدزود=من شان اعودوالحقيقه ذلولي
واحيان اغامر واقتحم ذروة الطود=ماارجع لمااشبع باقتحامي فضولي
مانيب احسب لشمس وبروق ورعود=ماهيب تقبل هالموانع فصولي
اغلب مساحاتي بها اشواك وورود=ماني مثالي حيل لكن اصولي
انظربعيد ولاتقدمت مااعود=لكن اقدر كل من عاش حولي
( 17 )
( تمام )
يللي تنادون القمر وسط الظلام=شوفوا الليالي المظلمه وشلونها ؟!!
مانلتفت للخلف.. حنابالأمام=الله عطانا المرجله وفنونها
الله منحنا الفعل وعطاكم كلام=نعمه من المولى لزوم نصونها
بالعقل والحكمه رقينا للسنام=في قمةٍ ماتت رجالٍ دونها
من فحفحة(نجلا)الى كحة(سهام)=كل السوالف عندكم ياهونها !!
تماااام خلوكم ابهالحاله تماااام=لاتتعبون شفاهكم بسنونها
دام الجبل جاوز بهامته الغمام=اكيد به ناسٍ تغيّر لونها
سلااام وختام القصيدة بالسلام=ذي قنبله والموت في مضمونها
احمد شاهـــــــــــــر
.
.
ما اروعك.. وما اروعك احساسك
ما اروعك.. وما اروعك احساسك
ما اروعك.. وما اروعك احساسك
.
.
محبك.
محمود الجذلي
:|for you|:
محمود
ما أروعــك
:|for you|:
( 18 )
( عاشق ثقافة )
جلست انا وياه حسيت بإنسان=نبل وتواضع والتزام ولطافه
قلت:اسأله واعرف جوابه على شان=الغي الحواجزوالزمن والمسافه
قلت: انتناقش قال:انا كلي آذان=ركّزترى بعض النقاشات تافه
قلت: الحقيقة قال لي:مربط حصان=بعض البشر يربط محله زرافه
قلت:الصداقه قال لي:خفق وجدان=يقل نبضه لاشعربالكلافه
قلت: المحبه قال لي:دم شريان=حارالبشرفي نكهته واختلافه
قلت: الوفاقال:إستراحات فرسان=تستقبل اللي صادق بإعترافه
قلت: التواضع قال لي:ظل بستان=يجمع نهايات الورم والنحافه
قلت:الشجاعه قال لي:عزم وإيمان=لحظة تحب مواجه اللي تخافه
قال:اختصربالأسئله قدرالامكان=معنى الكرم عكس امتداد الضيافه
قلت: العفو ودي أسميك يافلان=قال:أيش توقع..قلت: عاشق ثقافه
( 19 )
( صريحه../.. صادقه )
خذهاصريحه صادقه من دون تزييف ورتوش=مثل اليتيمه لا اختلت مع نفسها بفراشها
حاول تجاوزعطرهاوالكحل باطراف الرموش=ومن قبل تلمس جرحهاحاول تحس بشاشها
لاتنخدع في طبيةٍ تستوطن الوجه البشوش=ولاتنجرف مع شاعرٍ اسمى العواطف حاشها
من قبل تعشق شاعرك فكّرت وش تقدرتحوش؟!=الا بيوتٍ نازفات والحزن يعمر جاشها
ماابيك في حلمي تعيش للشاعراحلامٍ تدوش=ماابي اجرّك للضياع ولغابتي واحراشها
ماابيك اناتمشي معي والدرب مليان جيوش=خل العطورالهامسه تبقى بوسط غراشها
لاتقول يااروع بشرازعل وعاندني وهوش=ودي احس بغلطتي واعيشها واعتاشها!!
ملعون ابوكل البياض ان ماتصدى للوحوش=والله يجازي طيبةٍ عمرالردى ماناشها
يافاتني مافيه بنت ماتبهره كثرالنقوش=ومافيه غاده مترفه تصبرعلى من هاشها
خلااااص يكفي تضحيه للصدق والوجه البشوش=اللي سمع بالمشكله..ماهو مثل من عاشها
( 20 )
( كــذو ب )
كذوب اللي يقول بها الزمن خلك من الأخيار=كذوب اللي يصدقها.. مغفّل شخص يسمعها
كذوب اللي يقول ان الزمن اقوى من الاسوار=اذا ما طاعت الايام نزّل هامتك طعها
كذوب اللي يقول ان المبادي تنقذ الا حرار=كذوب اللي يجي يمدح بضاعه امس بايعها
كذوب اللي يقول الصمت نعمه..والزمن ثرثار=تسير القافله معها.. تموت القافله معها
كذوب اللي يقول السيف اماني.. والجواد اعذار=مغفل من يشوف الناس من خارج طبايعها
مظلل من يقول البرد يرحل في وجود النار=مزوّر عاشق الحكمه اذا ماصار يتبعها
كذوب اللي يعلق لك على شماعة الا قدار=جميع اغلاط هالدنيا ويطلب منك ترفعها
كذوب اللي يقول المشكله تنحل بالاشعار=يجي يمدح لك الزهره ولا من غبت يقلعها
مظلل كل من يركض ولا يخرج عن المضمار=كذوب من روى الا حداث لا غير مواقعها
مخادع من يقول إصبر لما تكشف لك الأسرار=حقايق إقطع الهرجه وقل له,,وين طلعها؟!!
كذوووب..وتاقف الكلمه بحلقي والحروف كبار=اطيع الكلمه / الزلزال..حشى ماني بطايعها !!
( 21 )
هذي الحكاية
غيبتك عندي ترتبط في حضورك = جيت ورحلــــت وياكــــثر شـــــي بالبــــال
بديت في زلزال واشعلت نـــــورك= وعـــند الرحيل اطفـــــيت نورك بــزلزال
ماقول لك مثـــــلت واتقنت دورك= بس أســــألك عن حب مثل الجـــبل زال
من يفهم احساسك ويرضي غرورك= بعدي.. ولايحــــتاج نظــــرب لك امـــثال
من يمسح دموعك ويغري سرورك= من يحــــــتويك افكـــار واقــــوال وافعــال
من يقنعك لامن تجاوزت طورك= انك تعـــــود وحكــــــمته طـــــــــولة البال
من تلتجي له لانجرحت بشعورك= تقــــبل عليه بحــــال وتروح في حـــــال
غيري .. وتذكر لاتبين قصورك=اضحــــك واعــــده من دعابات الاطفال
وان اعترف قلبك وروحك وحورك=واشــــيا كثيره فيك تشعـــــلني اشعـــال
وفتحت لي كامل مداك وجسورك= وناقشـــــتني باحــــلامك البيض وامال
ونثرت من حولي شذاك وزهورك= وجلســــــتني بظلال وانته بلا ظـــــلال
واذكر الى جا واحدٍ من طيورك= سولفـــــت له والطير للـــحب مرســـال
طيرٍ عشق صوتك وهام بعطورك= معذور لوياقع على الغصــــن مامــال
هذي الحكايه قبل يظهر فتورك = حنا انتهينا ليش نكــــذب ونحتال ؟؟!!
ارحل معي ذكراك تسمح امورك= ارحل لو ان بداخــــلك قلــــب رجــــال .
( 22 )
( ليل الشتاء..!! )
برّد يلف الأمكنه والزوايا=برق ورعد واحساس بالصمت والليل
وملامحٍ تدفي برود النوايا=وقلوب ضخّت بالعروق التفاصيل
واحلام صارت للنفوس المرايا=واحزان نامت في ثياب التعاليل
ليل الشتا.. برد وهروب وحكايا=خوف ورجا..رنة حجول ومواويل
ليل الشتا خيل وحروب وسبايا=ناروشعرورجال.. صفّة معاميل
ليل الشتا ميعاد ردالهدايا=لا صارمايصبر على العطرمنديل
لاجاالشتا فزّت جميع الخفايا=ياوينكم ياجامعين المحاصيل
ليل الشتا نصرٍلكل الصبايا=واكبرهزيمه شامله للرجاجيل
( 23 )
قطعة السكر
يـا قطعـة السكـر وذرات الاحسـاس=في نكهتك حسّيت بـا هلـي ونـا سـي
اخفيت كاسي عنك نـادى لـك الكـاس=حتـى قـدرت تصبنـي وسـط كاسـي
طعمك جرى با لدم يا عطـر ا لا نفـاس=الغيت خو في .. حيطتـي و احتراسـي
وشكّلت من عمـري حبايـب وجـلاس=حتى غد يت الها مشي وا لأ سـا سـي
يا قطعة السكر .. و يـا قطعـة المـاس=شفني امل و ا حلا م .. شفني مآ سـي
يا قطعة السكر انـا مثـل هـا النـا س=احيان الين .. وبعـض الاحيـان قاسـي
من جيت للدنيـا وا نـا رافـع الـراس=حتـى عرفتـك وارتفـع زود راســي
كل ما تذوب اشوي المـح شبـح يـاس=معك انتهـى خوفـي ولا مـات ياسـي
تذوب اكثـر يشتعـل بـرق واعـراس=تذوب .. و اذكر بعض ما كنـت ناسـي
تذوب .. تصغر .. المح جيوش واجراس=تـذوب تهـتـز الجـبـال الـرواسـي
تذوب يذبـل حلـم .. وتزيـد حـرّاس=كل ما تذوب شـوي يضعـف حماسـي
يا قطعة السكر .. ترا الموت الا فـلاس=ذبتي .. وانا اللي صرت بعـدك اقاسـي
ليل الاسـى والحـزن مايعـرف قيـاس=بعدك نخيت الصبـر واسرجـت باسـي
يا قطعة السكـر .. وذرات الاحسـاس=من يوم ذبتي .. جـف قلبـي وكاسـي
( 24 )
ليل ومطر
ليل ومطر واصوات تحتاج للصوت=واوراق مبتلـه ومطلـع قصـيـدة
والساحل الممتد في موعد الحـوت=يزيـد وحشـه والموانـي بعيـدة
وأمٍ تدفي طفلها فـي ورق تـوت=وشيخٍ يطالع في قصاصـة جريـدة
ومصباح تولدبه فراشات وتمـوت=والوادي الممطور ينـزف وريـده
وعيون يسرقها الكرى حلمها القوت=وعيون من قل الكـرى مستفيـدة !
وطيور وقفها المطر عجزت تفوت=والليل حوّلهـا عـن اللـي تريـده
واحلام شوّهها فضا صدر مكبوت=وهواجسٍ لوهي قديمـة / جديـدة
فوضى ضجيجٍ تعقبه صدمة سكوت=مثل الخيال أن شاف فكرة رشيـدة
اخي ابوشاهر
مشكور على النقله قصائد د رر
الله يعطيك الف الف عافيه
وتقبل فائق التقدير
ابوماااجد
مجرم
مبدع أنيق
تنتقي لنا المدارس
لأنك بها دارس متخرج
مثقف واعي هنيا لنا بك
وألف ألف شكر لعطاءك وجهدك تقديري ,تحياتي, أحــتــرامي .