خواطرحزينة
..................
بعيادت الدكتور والناس جلاس
شفت الحزينة يناظر العيادة
عذراتثير بحزنها كل حساس
ودنيت منها اريد الأفـــــادة
ولقيتها مابين هم وهوجاس
قلت اسمحي لي بالكلام بركاده
مدام كون الناس لناس نوماس
وش ساير لك ياضبي الحماده
قالت وربي مني البال منحاس
ومن زوجوهابغصب لاوهجاده
بينت أنا للوالد الوضع من ساس
وقلت الغصب ماهوللجوادعاده
يابوي أبن عمي على العين والرأس
لاشك مالي فيه يابوي راده
جمسه وصالونه مع التاج والماس
وكثرة فلوسه ماتجيب السعاده
يابوي قلبي حب من لامشى داس
فوق الضمير ويستحق القياده
زين الشباب ولامشى درب الانجاس
شوفه مناي ويستحق القياده
حب الشرف مافيه عيب ولاباس
وللي زرع واثمر يباشرحصاده
عيشة فقرصاحبي عطرالأنفاس
في بيت مافيه غير قطعة وساده
ولاعيش مع شخص معدوم الأحساس
لوكنت في قصرمن الماس شاده
ياناس تكفون أفزعواشفت الأتعاس
ياناس مجبوره ولالي جـــــــلاده
أخاف أموت من القهر واشرب الكأس
وأخلى الطماع يعلن حـــــداده
قلت الأمل موجود وشهواله الياس
والله رحوم ولايضيع عــــباده
ياعل من باع العذاري للافلاس
وعساه مايفرح بنطق الشهاده
.................................................. .....................
ماأعرف من الي كتبها
