قصيدة جديدة
آمل أن تحوز على رضى ذائـقـتــكم الراقية
هم ٍ وغم وحزن وجروح واهات=وغربه وكربه والمشاكل تتالـــت
وضيقه تخالجني على طول الاوقات=منها ذرائف دمعت العين سالــــت
اسج بعض احيان وآضيق نوبــــات=وضلوع قلبي من بلاويه شالـــــت
وعانيت في وقتي بلاوي ونكبـــــات=صيحات قلبي من ضلوعي تعالــت
وقضيت وقتي بين روحه وجيـــــات=وضع ٍ تمالكته وضع ٍ تفالـــــــــت
اخذت لي في عالم الحب سجـــــــات=يوم العواطف بالضمير استمالــــت
ذقت الهوائل فيه واكلت علقــــــــات=وناس ٍ تداليت ابها وناس ٍ تدالــت
وياما في اسبابه رقيت الطويــــلات=ماهمني لو سكت الرجل طالــــــت
وسويت في عمري ونفسي جنايات=عائل ورجلي مع هوى النفس عالت
اخطيت واخطايه بحقي كبيــــرات=ياما وياما قلت والناس قالـــــــــت
ولاينلحق شيئا بعد فائتن فـــــات=كم الضلوع الحنف شالت وكالـت
غلطه وعمر الادمي نوب غلطات=وكم غلطتن بالناس جالت وصالــت
وفكرت في وضعي ولا عشر مرات=ويوم انتبهت ولني انسان هالــــــت
لكن ورغم اخطاي راعي صـــــلاوات=ولاعمرها يومآ عن الفرض حالــت
