القصيدة التي القائها عايد الصريبطي بمناسبة زيارة امير منطقة المدينة المنورة لديار بلي
بسم الله الرحمن الرحيم
الحمد لله رب العالمين والصلاة والسلام على أشرف الأنبياء والمرسلين
القصيدة التي ألقيت من عايد بن سالم عيد الصريبطي البلوي بالحفل الذي أقيم بهجرة الشهيباء على شرف رؤساء المراكز الشمال الغربي وشيوخ قبيلة بلي بمناسبة زيارة صاحب السمو الملكي الأمير عبدالعزيز بن ماجد عبدالعزيز آل سعود أمير منطقة المدينة المنورة حفظة الله
يا الله يا للي تعم الخلق خيرا ته = محصي جميع الخلايق وأنت واليها
من فوق عرش استوى ويليق في ذاته = وكيف استوى هذا الله عالم فيها
نسأله عفوه وغفرانه ومرضاته = في ساعة تذهل العالم دواهيها
يا مرحبا يا هلا ترحيب مرآته = الطيب والعز والرفعة لراعيها
أهلا هلا به وحيا الله ساعاته = أميرنا اللي علوم الخير محصيها
عبدالعزيز اللي الله عز شباته = بالدين والخلق والجزلات يعطيها
طيب وأمير لطيبه طابة أوقاته = وله ريحه الورد والياسمين نهديها
فرح القطاع الشمالي في زيارته = والله يحفظه ويكتب له حسانيها
هذا الأمير اللبيب اللي طموحاته = وده يعزٌ المدينة مع ضواحيها
من عز أبو متعب اللي عز راياته = مليكنا اللي ملكنا من مباديها
الله يعزه ويكتب له مسراته = ويجزاه في خير دايم في مساعيها
الشعب يرفع لرب العرش دعواته = أنه يحفظ الوطن ويحفظ حاميها
مع الدول كلها عزٌز علاقاته = واقوى علاقة مع الله ما يخليها
ومقاطع الدانمارك وردٌ بيعاتة = حفظا لشخصية الهادي مسميها
فرض على الشعب حبه من فعولاته = وصورته حتى على المواتر نسويها
ودا يم على الخير ولأهل الخير فزعاته = والمملكة في صروح العز بانيها
وولي عهده سلطان الخير نظراته = نظرات مؤمن صلاة الله يصليها
الطيب في وجهه الأبيض علاماته = هذي حقيقة وكل الناس تراعيها
ومليكنا اللي علينا زاد حسناته = نعلن له البيعة واللي نفتخر فيها
ونقول : لا . لا , للإرهاب وأدواته= والله يذل الخبول اللي مشو فيها
والدين حنا أهله سنته وآياته = ولكن هذى فتن والله يعديها
ونقول حنا لعبدالله وخدماته = لك يا ملك يا وطن نرخص عوا ليها
يشهد لنا الكويت وحشد قواته = ثلاثة شهداء من ذي الديرة وأهاليها
يا أمير حياك من رافع سمواته = الله يحييك وجهودك يحييها
أمير مثل المطر في كل جولاته = تباشر أهل القرى من يوم جاء فيها
وحيا الله اللي معك في كل حزا ته = ابن السديري على العليا معليها
حياكم الله وزاد الحفل فرحاته = والحفل وأهل الحفل واللي حضر فيها
يا أميرنا اللي فروع الخير ميزاته = فضلا بلا أمر شف قرانا وما فيها
الخط يا أمير تتعبنا مطباتة = والكهرباء في ثلاثمائة نضوبها
والعلم طلابنا ما تلحق نهاته = إما تروح المدن وإلا تخليها
وأقرب مستوصف لنا تبعد مسافاته = خمسة وعشرين كيلو جبر نمشيها
والماء قليل ولا ننسى مأساته = مشروع ما يمكن العالم يكفيها
أنت سمو الأمير اللي حكاياته = أعجز بهذه الدقايق أفي أحصيها
أبوك ماجد مع التاريخ وقفاته = ما يمكن الوقت مهما طال يمحيها
وجدك على اسمك حديث صحة رواته = ما هي سوالف تقطع من مثانيها
ضم الجزيرة وحدها بصولاتة = والحكم بالسيف لين اصبح مساويها
وخلف اسود لعز المجد لفاته = والفضل لله في أولها وتاليها
يا أميرنا يا لفهيم اللي مهماته = رضا المواطن وكل الناس يرضيها
يا الله عسى ما تشوف الشر وأفاتة = ويحفظك من يحيي العالم ويفنيها
هذا كلام بلوي وأقبل تحياته = تقدير مع شكر مع عرفان يثنيها
وصلاة ربي وتسليمة وبركاته = على رسول رسالة حق مديها
