[CENTER](عزام)
شاعر حفر إسمه في مجال الشعر واجبر الكثير
على الوقوف إحتراما لحرفه..
وهاهو الآن يتحفنا بهذه القصيدة الرائعه
وأترككم الآن مع المقدمة التي بعثها
لي مع القصيدة دون زيادة أونقصان ومن ثم القصيدة..
___________________
رجل من قبيلة بلي هو
(حمد بن محمدبن مساوي البلوي)رحمه الله
اتصف بصفات الرجل العربي الاصيل لما يحمله
من مكارم الاخلاق ..من بحر مواقفه قصته
مع الضيوف كما وردت في قصيدة سابقة لي
(ياقاف غرد ثم غطرف غطاريف)وهذه نقطة في بحر..
ومن المواقف التي شهدتها أنا قبل وفاته رحمه الله
بشهر ونصف تقريبا اتيت اليه بعد العصر فهو فاتح
باب منزله من طلوع الفجرحتى
موعد نومه ولايكاد يخلو مجلسه من الرجال طول اليوم..
الذي حدث أن اتى اليه رجلان عندما
شاهدوا الباب مفتوحا كعادته رحمه الله
ومن الداخل بيت الشعروقد ظنوا
أنه مفتوح للجميع ثم طرقوا الباب ودخلوا وشربوا القهوه
وقالوا نحن من ديار بعيده من المدينة المنوره
وعلينا حاجة ماسه نستعين الله ثم المسلمين ..
ومد يده رحمه الله في جيبه واخرج
مبلغ من المال..(هو كل مافي جيبه )
و نعلم حاله رحمه الله انها كانت ميسوره
ولكن (لايصد ولايحيد عن الواجب ابدا)
في مثل هذه المواقف..كما أنني أخرجت من جيبي مقسوم الله
واعطيتها للأخوان وأنا محرج جدا وقلت سامحونا ..فشكروا ..
ثم أنه عزمهم على العشاء وتادية واجب الضيف فرفضوا ..
أما عن حماد الذي ذكرته في القصيده
فهورجل شرواكم رجل بما تحمل هذه
الكلمه من معنى وحمد بن محمدرحمه الله هو خال حماد
(دلال الفكر)
إلهنا يارافع السبع الاطباق=ياخالق الحبة من العرق والساقمبارك خليف البلوي (عزام)
ياموجب امرك للمخاليق ينساق=ياواحد كل الملا في ظلاله
بامرك رضينا ياعظيم الجلالي=لو هو ثقيل مثل ثقل الجبالي
ولو هو مرير علقم مايطالي=امرك مطاع بكل وقت وحاله
ماني من أمرك ياإلهي جزوعي=لو ذقت من مر الفراق الفجوعي
إنت العظيم وخاضع لك خضوعي=ياواحد مانغتني عن سؤاله
اسالك في حق الصمد وآل عمران=ترحم عبيدك يوم زوغات الاذهان
تجعل لنا من جل عطفك والاحسان=نجاة من جل الخطا والجهاله
ويالله ترحم عبدك اللي خذيته=إنت الذي لأمرك ودينك هديته
ومن حسن الخلاق العظيمه عطيته=يالله تجعل جنة الخلد فاله
الخال ابو حمدان فرقاه مره=أمر من مر الزمن والمضره
واصعب علي من عد نجم المجره=ياخال قلبي كايد الحمل شاله
حمل شبيه طويق وجبال حايل=وسط المحاني له رسوم ودلايل
متربع شبت عليه الفتايل=لولا اليقين القلب قطع حباله
دلال الفكرصفر بهمي مباهير=والقلب ريضانه بهمه مزاهير
بعض توارد له وبعض مصادير=سوات الرشا والسانيه والمحاله
والبال من كثر الهواجيس محتاس=بيض الليال إستاحشت عقب الأوناس
صارت ظلام حالك مدمس إدماس=غاب البدر هيهات مامن بداله
ياطيب ساسه.. والله إنه فقيده=قدره تعلا..ماتعلا برصيده
حب الملا كسبه وربي شهيده=ومن حبه الله طاب حظه وفاله
حناجر المغلين غصت بعبرات=واعلى الدموع استرسلت فوق وجنات
ياقلب مالك غير صبرك ملذات=اصبر وصابرعطف ربك تناله
شموخ العروبه في جنابه ييزيدي=عندي على ماقول علم وكيدي
الطيب كسبه والجزايل رصيدي=حتى الصغيرعامل به جماله
جتني بقلب العطف والحب غاده=جتني ملامحها على غير عاده
طفله بريه ماتعرف النكاده=والآدمــــــي لله ولله مــــــآله
جتني تقول إكتب بجدي قصايد=اكتب وانا لك بالشدايد سنايد
اعطيك من عقد المحار الفرايد=يـــــــــــابوي جدي وافيات خصاله
يابوي جدي طير حر بمشراف=متعلي ماله مع العالم أوصاف
فضايله والطيب زاف على زاف=جوده بحر جوده فريد لحاله
الحاتمي ارواحنا له مقرا=وقلوبنا لاجـــــــا مجاله تسرا
جزيل من جل الذوارب تعرا=الجود بشته والمكارم عقاله
لاجاله المحتاج مايغضي الطرف=ماولم اعذاره وقال انه بضرف
طيبه من بحور الكرم غارفه غرف=سيل مسند والسنود إستواله
للمعتلي يرقى ولو هو صعيبي=للضيف ريف وللمراجل صحيبي
له مجلس فيه النشاما حضيبي=راياته البيضا رموز لفعاله
النار في بيت الشعر تضرم إضرام=مع كل طلعة شمس الى حد الاظلام
مبرهج بابه وله دين الاسلام=والطيب ماكل تمناه..طاله
دلاله على جمر الغضا يشتكني=زهاف مرابيب بهيل وبني
بغداد منشاهن ومنه زهبني=راع الهوى هن كيفه وشف باله
مكارم اخلاقه على صفحة الغد=واللي مع ايامه مضت مالها عد
وشم على كف الزمان يتجدد=العاليه والمعتلي هو مناله
إي والله اضرب به مثل وآخذه درس=هو تاج راسي والغلا منغرس غرس
أوشم بذكراه..خد ابيض الطرس=علمه يشرفني وطيبه زهاله
من حكمته وصى بلحظة وفاته=قال الصلاة أول بدا..من ثباته
وجمع القرايب غايته وأمنياته=والثالثه وصابها في عجاله
قال السلام لراعي الجود حماد=أزكى سلامي له من القلب ينقاد
حماد نجم في سما الجود وقاد=حماد في ميل الزمن وإعتداله
حماد إن بالزمن عدل أو ميل=بالطيب تشهد له خيار الرجاجيل
للمرجله نبع ورمز ومداهيل=ماله شبه بالجود ياكود خاله
26/3/1427هـ[/CENTER]
