بسم الله الرحمن الرحيم
السلام عليكم ورحمه الله وبركاتة
:::::::::::::::
لما قابلته لقيته متغير عن خبري...
اذكره كان دايم مرح والابتسامة ماتفارق محياه
لكن هالمره ..صدمني بتعابير وجهه اللي تدل على الحزن والندم ..!!
سألته:
فيصل وش فيك؟؟!!
منت فيصل اللي أنا اعرفه!!؟؟
قال: آه يا تواصل انضحك علي..!!
انضحك عليك كيف.!!!
وش السالفة؟؟!
قال: أنا أقولك السالفة..!!
كنت مره من المرات مسافر وقفت عند محطة ورحت لدورة المياه ((وأنت بكرامه))
ولما دخلت لقيت مكتوب على الباب رقم بنت(.....)!!!
وبدافع الفضول أخذت الرقم وقلت خلني أتسلى فيه مع الخط
ولما اتصلت ردت عليك وحده صوتها يجنن المهم نسيت نفسي معها وأخذتنا السوالف وقوت علاقتي فيها مع الأيام وصارت تطلب مني بطاقات سوا وأنا من حبي لها صرت أعطيها!! وكانت تتحايل علي إذا عييت
وتتهددني بالهجران واني ما راح
أشوفها إذا ما شحنت لها.!!
وكنت أضعف اذا قالت لي كذا...
المهم لما وصل المبلغ اللي شحنت لها 1200 ريال.!!!!!!
قالت لي: يا حبيبي
إذا تبيني اكتب رقمي بدورات المياه وخل يجييني غيرك ما عاد أبيك كفاية اللي أخذته منك وقامت تضحك وصكت السماعة.!.!!!!
آآآآآآآآآآهــــــ
انا هنا انصدمت وكرهت نفسي وحذفت الجوال بقوه على الجدار
وقعدت اصرخ وأقول أنا غبي أنا غبي أنا غبي
((وبدأ ينفعل ..وصرت أهدي فيه واقول له فيصل لاتأخذ الأمور بحساسية هد وتعوذ من الشيطان ..وكان جنبي كوب ماء وأعطيته..وقلت خلنا نغير السالفة..))
انتهى...
بعد ما ذهبت
من عنده جلست أفكر ليه شبابنا إلى هذه
الدرجة عاطفيين ويركضون خلف شهواتهم ورغباتهم..
وكيف يدفعون لوحده مايعرفون عنها أي شي ويطيحون بحبها ويعشقونها وهم ماقد شافوها ولاشي!!
وهنا تذكرت قصة
للي انضحك عليه ودفع خمسين ألف ريال
لشاب يقلد صوت بنت.!!
ما الدافع من وراء هذا كله
أهو ضعف الوازع الديني؟؟
أهو نقص العاطفة؟؟
أم هو
نقص بشخصيه هذا الشاب أو البنت ويكمله بالمعاكسات؟؟!!
باختصار
أيها الشاب وأيتها الفتاه..
ثقوا تمام الثقة بأن من تعدى على محارم الله وتجاوز حدوده
فأن الله لن يتركه وسيعاقبه
عاجلا أو أجلا..
إذ لم يتب ويبتعد عن هذا الأمر نهائيا.
وأسأل الله أن يحمي شبابنا وبناتنا وأن يهديهم إلى طريق الحق والصواب
انه ولي ذلك والقادر عليه.
